26 Qyrkúıek, 2022 NEWS
Foto: UQK baspasóz qyzmeti
Qazaqstan shekarasynan zańsyz ótpek bolǵan Reseı azamattary ustaldy, - dep habarlaıdy QR UQK baspasóz qyzmeti.
"2022 jylǵy 25 qyrkúıekte Shekara qyzmeti Qostanaı oblysy boıynsha departamentine qarasty "Tobyl" bólimshesiniń shekara narıady jumys istep turǵan ótkizý pýnktterin aınalyp ótip, shekara buzbaqshy bolǵan Reseı Federasııasynyń úsh azamatyn ustady", - dep habarlady vedomstvonyń baspasóz qyzmeti.
Shekara buzýshylar óz áreketterin Reseıde júrgizilip jatqan ishinara jumyldyrýdan qashpaq bolǵandarymen túsindirdi.
"Ustalǵandarǵa qatysty odan ári jaýap alý is-sharalary júrgizilýde, onyń nátıjesinde atalǵan adamdar reseılik tarapqa beriledi. Qazaqstannyń shekaralyq qaýipsizdigin senimdi qamtamasyz etý maqsatynda shekara kúzeti men ótkizý pýnktteri bólimsheleri kúsheıtilgen rejımde jumys isteıtinin eske salamyz", - delingen habarlamada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir