• USD 468.45

  • EUR 489.06

  • RUB 7.66

  • CNY 66.09

02 Jeltoqsan, 19:31:10
Almaty
-3°

Parlament májilisiniń eks-spıkeri Nurlan Nyǵmatýlınniń inisi Erlan Nyǵmatýlın alaıaqtyq jasady, salyq pen kedendik tólemderdi tóleýden jaltardy, qarjy jylystatty degen kúdikke ilindi, dep jazady chinovnik_kz telegram-arnasy. 

"Keı derekterde quqyq qorǵaý organdarynyń Nurlan Nyǵmatýlınge de birqatar suraqtary bar ekeni aıtylǵan. Alaıda ol qaıda ekeni ázirge belgisiz. Sońǵy ret 7 qyrkúıek kúni ol BAÁ-ge ketkeni jóninde aqparat taraǵan edi" delingen habarlamada.

Buǵan deıin advokat Máýlen Álimbaev Nurlan Nyǵmatýlın men onyń egiz inisi Erlan "reıderlik" baby boıynsha qozǵalǵan qylmystyq istiń aıyptalýshysy retinde tanylǵanyn habarlaǵan. 

Advokat tamyz aıynda ótken baspasóz maslıhatynda qylmystyq is eki iri kásipker Qýat Sultanbekov pen Erlan Nyǵmatýlınniń qarym-qatynasyna qatysty ekenin aıtqan. Sáýir aıynan bastap Antıkor tergeý jumystaryn júrgizgen. Erlan Nyǵmatýlın reıderlik jolmen Sultanbekovke tıesili demalys ornyn tartyp alǵany habarlandy.

2012 jyly Erlan Nyǵmatýlınmen bolǵan janjaldan soń balqashtyq kásipker Qýat Sultanbekov túrmege túsip, 21 jylǵa bas bostandyǵynan aıyrylǵan. Qazir ol 10 jylyn jazasyn ótedi. 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir