"Qarsy shyǵyńyzdar nemese berilińizder!": Zelenskıı reseılikterge úndeý joldady

Ýkraına prezıdenti Vladımır Zelenskıı Reseıde ishinara mobılızasııa jarııalanýyna baılanysty reseılikterge úndeý jasady. Vıdeoúndeý prezıdenttiń Youtube arnasynda jarııalandy. 

Zelenskıı úndeýinde orys tilinde sóıledi. Onyń aıtýynsha, Pýtınniń mobılızasııa jarııalaýy birneshe jyl boıy daıyndyqtan ótken Reseı áskeri kúıregeniniń dáleli. Budan bólek Zelenskıı Ýkraınaǵa qarsy soǵys endi tek ǵalamtor, telearna arqyly bolyp jatpaǵanyn, soǵysqa árbir reseılik otbasy qatysqaly otyrǵanyn atap ótti.

"Nelikten daǵystandyqtar nemese basqa ulttar Harkov, Donesk jerinde ólýi kerek? Sebebi Reseıdiń bir ǵana azamaty barlyq halyq úshin sheshim shyǵardy. Basqa sebep joq. Onyń (Pýtınniń – Red.) qalaǵany júzege asyp otyr. Endigi ýkraınalyqtarǵa jasalǵan kez kelgen azaptaý men qylmysqa sizder ortaqtasyp otyrsyzdar. Sebebi únsiz qaldyńyzdar. Endi tańdaý jasaıtyn kez keldi" deıdi Zelenskıı. 

Zelenskıı reseılikterdi Pýtınge qarsy shyǵýǵa, kúresýge nemese ýkraın áskerine berilýge shaqyrdy.