Foto: glavcom.ua
Sheshenstan prezıdenti Ramzan Qadyrov respýblıkada mobılızasııa bolmaıtynyn habarlady. Onyń aıtýynsha, Sheshenstan bul jospardy 254 paıyzǵa artyǵymen oryndaǵan, dep jazdy Nastoıashee Vremıa basylymy.
Qadyrov Ýkraınaǵa qarsy soǵysqa 20 myń sheshen sarbazy qatysqanyn aıtty. Alaıda 254 paıyzǵa artyǵymen oryndaǵan jospardyń qandaı ekenin naqtylamady. Artynsha Qadyrov Telegram-arnasynda Qorǵanys mınıstrliginiń jańa bólimsheleri qurylýynyń arqasynda atalǵan kórsetkishke erterek qol jetkizilgenin jazdy.
"Bul mehanızm ishinara mobılızasııalaý jarııalanǵanǵa deıin josparlandy. Budan bólek qajet jaǵdaıda respýblıkada Otan aldyndaǵy boryshyn óteýge daıyn 1000-ǵa jýyq erikti bar", dedi Sheshenstan prezıdenti.
Qadyrov sondaı-aq 21 qyrkúıekte áıelder Groznyıda ótkizbek bolǵan mobılızasııalaýǵa qarsy mıtıng jóninde de pikir bildirdi. Qadyrov mıtıngke qatysqan 40 turǵynnyń týystary mobılızasııalaý kezinde áskerge jiberilgenin jetkizip, mıtıngke qatysatyn kez kelgen turǵynnyń kúıeýi men bala-shaǵasyn áskerdiń aldyńǵy qataryna qoıatynyn aıtyp, qorqytty.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir