22 Qyrkúıek, 2022 NEWS
Foto: ulysmedia.kz
Búgin eks-prezıdent Nursultan Nazarbaevtyń nemere inisi Qaırat Satybaldynyń isi boıynsha kezekti sot otyrysy ótti. Prokýror aıyptalýshyny 6 jylǵa qamaýdy surady, dep habarlady Sputnik Qazaqstan.
Prokýror Jangeldi Esebaev Satybaldyny ulttyq qaýipsizdik organdarynyń "general-maıor" sheninen, "Qurmet" pen "Parasat" ordenderinen aıyrý qajet dep sanaıdy. Sýdıa prokýrordyń ótinishin qanaǵattandyrsa, Qaırat Satybaldyǵa belgili bir laýazymdardy 10 jyl atqarýǵa da tyıym salynady.
Buǵan deıin Qaırat Satybaldynyń "Kólik qyzmeti ortalyǵy" kompanııasyna 28 mlrd teńgeni, "Qazaqtelekom" kompanııasyna 12 mlrd teńgeni ótep bergeni týraly aıtyldy. Sondaı-aq, aıyptalýshy medıatıvti kelisim jasaǵan. Alaıda kólik qyzmeti ortalyǵy óz kelisimin keri qaıtarǵan bolatyn. Búgin kompanııa jańa medıatıvti kelisimin usyndy.
Aıyptalýshy Qaırat Satybaldy óz kinásin moıyndap, ókinetinin jetkizdi. Ol Qylmystyq kodekstiń eki baby boıynsha aıyptalyp otyr. Erteń, 23 qyrkúıekte sot sheshimi shyǵady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir