Máskeýdegi mıtıng kezinde ustalǵandardy áskerge alyp ketpek

Máskeý qalasynda ishinara mobılızasııa, men qarsy ótken mıtıng kezinde ustalǵandardyń keıbirine polısııa áskerı komıssarıatqa shaqyrý qaǵazyn tapsyrǵan. Bul týraly qamaýǵa alynǵan belsendiler habarlady dep jazady "OVD-Info" portaly.

"Iаbloko" partııasynyń múshesi Kırıll Goncharov Telegram kanalyna mıtıng kezinde ustalǵan belsendige berilgen áskerı komıssarıatqa shaqyrý qaǵazynyń fotosyn jarııalady.

Polısııa qyzmetkerleri belsendilerdi qaǵazyna qol qoıýǵa májbúrlegen. Olardyń aıtýynsha, kez kelgen RF azamaty áskerı komıssarıatqa barýǵa mindetti. Quqyq qorǵaýshylar tipti shaqyrý qaǵazyna qol qoımaǵan azamattardyń ústinen qylmys is qozǵaımyz dep qorqytqan. 

Keshe túnde Reseıdiń 38 qalasynda ishinara mobılızasııa men soǵysqa qarsy mıtıng ótip, 1400 adam ustalǵan. Ustalǵandardyń basym bóligi Máskeý men Sankt-Peterbýrg qalasynan.

Máskeý prokýratýrasy mıtıng uıymdastyrýshylary men qatysýshylarynyń ústinen qylmystyq nemese ákimshilik is qozǵalatynyn, 15 jylǵa deıin bas bostandyǵynan aıyrý jazasy da qarastyrylatynyn habarlady.