21 Qyrkúıek, 2022 NEWS
Foto: kremlin.ru
Reseı prezıdenti Vladımır Pýtın ishinara mobılızasııalaý (memlekettik qarýly kúshterdi beıbitshilik jaǵdaıdan soǵys jaǵdaıyna kóshirý) týraly qaýlyǵa qol qoıdy, dep habarlady TASS agenttigi.
"Qorǵanys mınıstrligi men Bas shtabtyń Reseı Federasııasynda ishinara mobılızasııalaý týraly usynysyn qoldaý qajet dep sanaımyn" dedi Pýtın.
Pýtın mobılızasııalaý 21 qyrkúıekten, ıaǵnı búginnen bastalatynyn málim ótti.
Áskerı qyzmetke qarýly kúshter qatarynda qyzmet etken, áskerı operasııalarǵa qatysqan tájirıbesi bar azamattar shaqyrylmaq.
Bıylǵy 24 aqpanda Ýkraınaǵa basyp kirgen Reseı áskeri qyrkúıek aıynan beri sheginip keledi. Resmı Kreml soǵysta 5937 sarbazyn joǵaltqanyn aıtady. Ýkraına derekterinde bul málimet áldeqaıda kóp. Alaıda soǵys tek urys dalasynda ǵana emes, aqparat aıdynynda da júrip jatqandyqtan qos taraptyń málimetin táýelsiz tekserý qıyn. Dese de Reseı áskerge qosymsha adam tarta bastaǵanyna qaraǵanda soǵysatyn jaýynger tapshy bolyp otyrǵan bolýy múmkin.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir