• USD 468.56

  • EUR 497.56

  • RUB 7.3

  • CNY 67.18

29 Naýryz, 19:23:22
Almaty
+35°

Almaty prokýratýrasy Qańtar oqıǵasynan soń kózi kórmeı qalǵan Ermek Ábdireshovke qatysty qozǵalǵan qylmystyq isti toqtatty. Bul týraly Qantar qory Instagram paraqshasynda habarlady.

"Qantar qorynyń advokattary Ermek Ábireshovtiń isinen kóptegen zań buzýshylyq tapty. Mysaly, soqyr adamnan zańdy ókilsiz jaýap alynǵan. Sondaı-aq fızıkalyq turǵydan oqı almaıtyn sátinde jaýap alý hattamasyna qol qoıýǵa májbúrlegen. Aıypty alyp tastaý – áli kúrestiń basy ǵana. Alda áli jumys kóp. Ermekti azaptaǵan polıseı áli kúnge bostandyqta. Ol is boıynsha kýáger. Quqyq qorǵaýshylar onyń qatysýymen azaptaýdyń 13 epızodyn tapty. Polıseıdi zardap shekkender men kýágerler tanydy" delingen Qantar qory málimdemesinde.

Qańtarda beıbit mıtıngige shyqqandardyń eshqandaı qylmysqa qatysy joǵyn dáleldeý úshin qor óz jumysyn jalǵastyra beretinin málimdedi.

Qańtar oqıǵasy kezinde 37 jastaǵy Ermek Ábireshovke rezeńke oq tıip, bir kózi kórmeı qalady. Al tergeý ızolıatoryndaǵy azaptaýdan keıin Ábireshov qos janarynan aıyrylǵan. 

Qańtar oqıǵasynda resmı derek boıynsha barlyǵy 238 adam qaza tapqan. Olardyń altaýy azaptaýdan kóz jumǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir