• USD 468.56

  • EUR 497.56

  • RUB 7.3

  • CNY 67.18

28 Naýryz, 12:12:21
Almaty
+35°

Nazarbaev bıligi tusyndaǵy ıdologtardyń biri Ermuhamet Ertisbaev eks-prezıdent elorda ataýyn Nur-Sultannan Astanaǵa qaıta ózgertýge qarsy bolǵan joq dep sanaıdy. Bul týraly ol óziniń YouTube-kanalynda merziminen tys ótetin prezıdent saılaýy týraly vıdeosynyń barysynda aıtty.

 

"Nursultan Nazarbaev (elorda ataýyn qaıtadan Astana dep ózgertýge – red) qarsy bomaǵanyn anyq bilem. О́ıtkeni ol astananyń negizin qalaýshy, qalanyń arhıtektory retinde 2003 pe, 2004 jyly ma qalaǵa Astana ataýyn berip, ony ózgertýge uzaq ýaqyt qarsy bolǵan. YouTube-tan  onyń aıtqandaryn (Astanaǵa óz esimin berýge - red) ońaı taýyp alýǵa bolady" deıdi ol.

 

Buǵan deıin májilis depýtattary elordaǵa burynǵy – Astana ataýyn qaıtarýdy usynyp, bastama parlament tarapynan qoldaý tappannan keıin, 17 qyrkúıekte prezıdenttiń el astanasyn Nur-Sultannan Astanaǵa aýystyrý jarlyǵy shyqqan.

Elorda ataýy Aqmoladan Astana bolyp alǵash ret 1997 jylǵy 1 jeltoqsanda ózgertilgen.

Ertisbaevtyń sózderi shyndyqpen qanshalyqty janasatynyn anyqtaý qıyn. Nazarbaev bıligi tusynda "saraı bulbuly" degen laqap atqa ıe bolǵan Ertisbaev 2019 jyly Qazaqstannyń Belarýstegi elshisi qyzmetinen bosatylyp, zeınetke shyqqanan keıin de bılikshil kózqarasyn, oı-nıeti Aqordamen úndes ekenin bildirip júrdi. Qazir de ózin prezıdent bastamalary men reformalarynyń jaqtasy retinde kórsetip júr.

Al eks-prezıdent sońǵy ýaqytta bir-eki márte aldyna shyqqany bolmasa, elordadan esimi alynyp tasalǵanyna baılanysty pikir bildirgen joq.

"Qamshy" silteıdi
Ilmek sózder: Nazarbaev astana

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir