• USD 472.68

  • EUR 466.91

  • RUB 8.01

  • CNY 66.45

05 Qazan, 19:06:06
Almaty
+12°

Ýkraınalyq sheneýnikter Reseıge qarsy shabýylda birqatar jetistikterge qol jetkizgennen keıin Donbasstyń shyǵysyndaǵy qalalardy nysanaǵa alǵanyn habarlady. Sońǵy kúnderi ýkraın armııasy basyp alynǵan aýmaqtyń bir bóligin azat etip, Reseı áskerin sheginýge májbúrlegen.

Prezıdent Vladımır Zelenskıı Ýkraına kúshteri Harkov oblysyndaǵy 8000 sharshy shaqyrymnan astam jaýlap alynǵan aýmaqta óz pozısııasyn nyǵaıtatynyn aıtty.

AQSh prezıdenti Djo Baıden Ýkraınanyń sońy kúnderdegi jetistigin eleýli dep baǵalady.

Reseı áli kúnge deıin Ýkraına aýmaǵynyń besten bir bóligin baqylap otyrǵanyna qaramastan, soǵystyń basynda Reseı qolyna ótken Donbass aımaǵynyń qalalary qazir Kıev kúshteri shabýylynyń astynda qalǵaly tur.

Reseı endi bar kúshin Ýkraınaǵa basyp kirgenge deıin reseıshil separatısterdiń baqylaýynda bolǵan Donbassqa salyp otyr.

Lýgansk oblysy Ýkraın tarapynyń basshysy Sergeı Gaıdaı ýkraın kúshteri oblystaǵy strategııalyq mańyzy bar Lıman qalasyna jetkenin málimdedi.

Sergeı Gaıdaı Telegram-daǵy paraqshasynda "qazir Lımanda qyzý urys júrip jatyr, meniń oıymsha, bul taǵy birneshe kúnge sozylady" dep jazdy.

Lıman mamyr aıynyń sońynda orys áskerleriniń qolyna ótken. Ol separatıstik Donesk Halyq Respýblıkasynyń astanasy Donesk qalasynan 50 shaqyrym qashyqtyqta ornalasqan.

Derekkóz: VVS

"Qamshy" silteıdi
Ilmek sózder: Ýkraına Reseı Lıman

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir