• USD 468.56

  • EUR 497.56

  • RUB 7.3

  • CNY 67.18

07 Aqpan, 02:58:17
Almaty
-2°

13 qyrkúıekke qaraǵan túni Ázerbaıjan-Armenııa shekarasynda áskerı qaqtyǵys bastaldy, dep jazady TASS. Eki taraptan da jaralanǵandar men qaza tapqandar bar. 

Basylymnyń málimetinshe, Armenııa men Ázerbaıjan áskerı qaqtyǵysqa qatysty ártúrli aqparat taratyp, bir-birin aıyptap jatyr

"13 qyrkúıek kúni saǵat 00:05-ten bastap Ázerbaıjan Qarýly kúshteriniń bólimsheleri Gorıs, Sotk jáne Djermýk mańyndaǵy Armenııa terrıtorııasyn artıllerııamen, iri kalıbrli atqyshtarmen tópelep atqylaı bastady", - dep málimdedi Armenııa qorǵanys mınıstrligi.

Al Ázerbaıjan qorǵanys mınıstrligi Armenııa áskerılerin arandatý jasady dep aıyptady.

"12 qyrkúıekke qaraǵan túni Armenııa qarýly kúshteriniń bólimsheleri Ázirbaıjan-Armenııa memlekettik shekarasynyń Dashkesan, Kalbajar jáne Lachyn baǵyttarynda aýqymdy túrde dıversııa jasady", - dep málimdedi Ázerbaıjan qorǵanys mınıstrligi. 

Ázerbaıjan mınıstrliginiń málimetinshe, Erevan sońǵy bir aıda shekaradaǵy jaǵdaıdy maqsatty túrde ýshyqtyryp, shabýyl qarýyn, aýyr artıllerııany jáne adam kúshin shoǵyrlandyrǵan. 13 qyrkúıekte osy aýdandardaǵy Ázerbaıjan áskerı pozısııalaryna oq jaýdyrǵan. 

Armenııa premer-mınıstri Nıkol Pashınıan áskerı qaqtyǵysqa baılanysty Qaýipsizdik keńesiniń otyrysyn ótkizdi. Armenııanyń Qaýipsizdik keńesi Armenııa-Ázirbaıjan shekarasyndaǵy shıeleniske baılanysty Dostyq, yntymaqtastyq jáne ózara kómek týraly shartqa súıenip Reseı Federasııasynan kómek suraýǵa sheshim qabyldaǵan. 

"Armenııa respýblıkanyń egemendi aýmaǵyna jasalǵan agressııaǵa baılanysty Dostyq, yntymaqtastyq jáne ózara kómek týraly sharttyń, sondaı-aq Ujymdyq qaýipsizdik sharty uıymy men BUU Qaýipsizdik Keńesiniń erejelerin júzege asyrý maqsatynda Reseı Federasııasynan resmı túrde kómek surady" dep habarlady Armenııa Mınıstrler kabınetiniń baspasóz qyzmeti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir