• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 04:19:35
-6°
Reseıdiń Máskeý, Sankt-Peterbýrg jáne Kolpıno qalasynyń 18 mýnısıpaldyq depýtaty prezıdent Vladımır Pýtınniń otstavkasyn talap etip, jarııa úndeý tastady. Úndeýdi Peterbýrgke qarasty "Semenovskıı" mýnısıpaldyq okrýgynyń depýtaty Ksenııa Torstrem Twitter-de jarııalady, dep jazady nemistiń  Deutsche Welle basylymy.
 
Torstrem ózge mýnısıpaldyq depýtattardy úndeýge qosylýǵa shaqyrǵan.
 
"Biz, Reseıdiń mýnısıpaldyq depýtattary, prezıdent V.V.Pýtınniń áreketi Reseı bolashaǵy men azamattaryna zııanyn tıgizedi dep sanaımyz, sondyqtan Vladımır Pýtın Reseı Federasııasynyń prezıdenti laýazymynan ketýi talap etemiz" delingen úndeý mátininde.
 
Osyǵan uqsas úndeý ótken aptada da jasalǵan. 7 qyrkúıekte Sankt-Peterbýrgke qarasty Smolnınskoe mýnısıpaldyq okrýginiń depýtattar keńesi Memlekettik dýmaǵa úndeý tastaǵan. Ol jerde Pýtındi memleketke opasyzdyq jasady dep taýyp, qyzmetinen shettetýge shaqyrǵan.
 
8 qyrkúıekte bastamany qoldaǵan depýtattardyń biri ózderin polısııa shaqyryp jatqanyn habarlaǵan.
"Qamshy" silteıdi
Ilmek sózder: Pýtın

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir