Qorǵanys mınıstrligi memlekettik apparattyń qyzmetin bıýrokratııadan aryltý maqsatynda shaqyrý ýchaskelerine tirkeý týraly kýálikterden bas tartýdy, sondaı-aq áskerı qyzmet ótkermegen azamattarǵa áskerı bıletter berýdi alyp tastaýdy usynyp otyr.

2023 jyldan bastap áskerı mindettiler men áskerge shaqyrylýshylardy esepke alýdy elektrondyq formatqa kóshirý josparlanǵan. Bul – ishki kóshi-qon kezinde azamattardy áskerı esepke qoıý jáne odan shyǵarý qajettiligin alyp tastaýǵa múmkindik bermek.

Budan ózge azamattardyń áskerı qyzmetke qatynasy, ony ótkerý jáne áskerı esepke alynýy týraly málimetter "e-gov" portalyndaǵy jeke kabınette kórsetiletin bolady. Qajet bolǵan jaǵdaıda ony memlekettik organdar paıdalanýy nemese suratýy múmkin.

Mamandar usynylǵan jańalyqtar qarjy únemdeýge yqpal etetinin aıtady. Blankilerdi saqtaý, shyǵarý jáne berý jergilikti áskerı basqarý organdary qyzmetkerleriniń shyǵyndaryn da edáýir azaıtpaq.

Qoldanystaǵy normaǵa saı, áskerı boryshyn ótegemen er azamattarǵa jasy 27-ge kelgennen keıin áskerı bılet beriledi.