Danıal Ahmetov ShQO-da órt bolǵan aýmaqtarǵa bardy

Birneshe táýlik boıy qutqarýshylar Shyǵys Qazaqstannyń Altaı aýdanynda tilsiz jaýmen kúres júrgizip, qazir órtti aýyzdyqtaýǵa múmkindik týdy.

О́ńir basshysynyń aıtýynsha, eldi mekenderge qaýip joq, halyqty evakýasııalaý josparlanbaǵan. Aýdany 700 ga bolatyn órtti sóndirýge jergilikti TJ bólimsheleriniń, JAO jáne ormanshylyqtardyń barlyq kúshteri jumyldyryldy. Bul shamamen 200 adam jáne 24 tehnıka. Jetý qıyn taýly jerlerde qutqarýshylarǵa aýadan sý jiberýdi júzege asyratyn MI-8 tikushaqtary kómekke keldi. Qazir óńir basshysy Sennoe aýylyna ushyp ketti. Bul órtke eń jaqyn eldi meken, onda táýlik boıy jedel shtab qurylyp, qutqarýshylardyń is-qımyldary úılestirildi.

Aıta keteıik, qurǵaq shóptiń janýy Shyǵys Qazaqstannyń basqa aýdandarynda da tirkelgen. Máselen, qazir О́skemen qalasynyń mańyndaǵy Kamennyı karer kentinde órtti aýyzdyqtaý úshin 400-den astam adam jáne 41 birlik tehnıka jumys istep jatyr. О́rt aýmaǵy shamamen 35 gektardy qurap otyr. О́rt sóndirýshilerden basqa, ulttyq gvardııanyń 200 jaýyngeri, sondaı-aq aımaqtyń iri kásiporyndarynyń órt sóndirý bólimderi belsene qatysýda. Polısııa qyzmetkerleri patrýldeýdi júzege asyrýda.

Jappaı órt Kúrshim aýdanynda, Marqakól kóliniń mańynda da tirkeldi. Munda tilsiz jaýdy toqtatyp, onyń eldi mekenderge taralýyna jol berilmedi. Halyq pen múlikke qaýip joq, jaǵdaı turaqty baqylaýda.