• USD 475.51

  • EUR 464.15

  • RUB 8.2

  • CNY 66.85

03 Qazan, 21:31:50
Almaty
+12°

Qazaqstan álemdik arenadaǵy ımıdjin qalyptastyratyn reıtıngterge degen qyzyǵýshylyqqa qaramastan, olardy óz deńgeıinde oryndaı almaı otyr, dep jazady Finprom.kz portaly

The World Justice Project (WJP) halyqaralyq uıymy jyl saıyn qurastyratyn Zań ústemdigi ındeksinde Qazaqstan 66-satyǵa jaıǵasqan. Indeks elderdi azamattardyń quqyqtaryn qorǵaıtyn zańnamanyń bolýyna negizdelgen ortany qurýdaǵy jetistikterine qaraı baǵalaıdy. Árbir ındıkator boıynsha nátıjeler negizinde el boıynsha qorytyndy ball 0-den 1-ge deıingi shkala boıynsha esepteledi, munda 1 – zań ústemdigin saqtaýdyń eń joǵary deńgeıi jáne 0 – eń tómengi.

WJP 2021 jylǵy esebinde Qazaqstan Malavı men Týnıs sekildi Afrıkanyń eki elimen qatar tur. Sońǵy úsh jylda Qazaqstannyń ındeksi óspeı, 0,52 (maksımaldy baǵa) deńgeıinde tur.

Ult jospary boıynsha, 2021 jyly kútiletin kórsetkish 0,53 bolýy kerek edi, biraq ol oryndalmady. Ulttyq ekonomıka mınıstrliginiń resmı saıtyndaǵy 2021 jylǵa arnalǵan esepte bul esepti kezeńdegi baǵalaý nátıjelerine áleýmettik-ekonomıkalyq jaǵdaıǵa baılanysty COVID-19 pandemııasynyń aıtarlyqtaı áser etkendigimen, atap aıtqanda ekonomıkalyq faktorlar halyqtyń negizgi adam quqyqtaryna qol jetkizý deńgeıine teris áser etti dep túsindiriledi.

Zań ústemdigi ındeksi segiz kórsetkish negizinde esepteledi: bılik ınstıtýttardyń shekteýli ókilettigi, sybaılas jemqorlyqtyń bolmaýy, tártip pen qaýipsizdik, negizgi quqyqtardy qorǵaý, memlekettik ınstıtýttardyń ashyqtyǵy, normatıvti-quqyqtyq qamtamasyz etý, azamattyq sot tóreligi, qylmystyq sot tóreligi. 2021 jyldyń sońynda Qazaqstan eń aldymen tártip pen qaýipsizdik sanatynda tabysqa jetti.

Esep ótken jyldyń qazan aıynda daıyndalǵan jáne Qańtar oqıǵasy esepke alynbaǵan.

Portal kelesi esepte 2022 jyldyń sońynda Qazaqstan tártip pen qaýipsizdik sanatyndaǵy pozısııalaryn joǵaltýy yqtımal dep boljaıdy.

Qazaqstan memlekettik organdardyń ókilettikterin shekteý (0,43), qylmystyq sot tóreligi (0,45) jáne negizgi quqyqtardy qorǵaý (0,45) salasynda eń tómen kórsetkishterge ıe.

Tıimdi jáne ádiletti memleket qurýda bılik teorııalyq turǵydan eskerýi tıis ekinshi mańyzdy kórsetkish — Dúnıejúzilik bank qurastyrǵan Qoǵamdyq pikir jáne memlekettik bılik organdarynyń esep berýi ındeksi (Voice and Accountability). Aqparatqa qoljetimdilik jáne jergilikti halyqty qyzyqtyratyn máseleler boıynsha esep berý jáne túsinikteme berý múmkindigi qoǵamdastyqtyń múmkindikterin keńeıtý men úkimettiń qoǵam aldyndaǵy jaýapkershiligin arttyrýdyń mańyzdy faktorlary retinde tanylady.

"Indeks eldiń jaǵdaıyn 0-den 100-ge deıingi shkala boıynsha baǵalaıdy. 2010–2020 jyldar aralyǵynda Qazaqstan ındeksi is júzinde ózgerissiz qaldy, týra on jylda nebári 1,7-ge ósti. Ult josparynda Qazaqstan 2021 jyldyń sońyna deıin bul kórsetkishti 20-ǵa jetkizýdi josparlaǵan bolatyn. Reıtıng osy jyldyń qyrkúıek aıynda ǵana jarııalanatyndyqtan, jaǵdaıdyń qalaı ekeni áli belgisiz. Alaıda buǵan deıingi derekter bul kórsetkishke qol jetkizýge kúmán keltirdi. 2018 jyldan beri qoǵamdyq pikir men úkimettiń esep berý ındeksi úzdiksiz ósýdi jalǵastyrsa da, eshqashan 1,5 tarmaqtan joǵary ósken emes" delingen portal aqparatynda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir