• USD 468.56

  • EUR 497.56

  • RUB 7.3

  • CNY 67.18

28 Naýryz, 18:55:36
Almaty
+35°
"Oyan, Qazaqstan" qozǵalysy merziminen buryn ótkeli otyrǵan prezıdent saılaýyna baılanysty málimdeme jasady. Málimdeme mátinin qozǵalys múshesi, qoǵam belsendisi, jýrnalıst Ásem Jápisheva jarııalady. 
 
Qozǵalys músheleri Toqaev kezekten tys saılaý jarııalaý arqyly Nazarbaevtyń bılikti basyp alý ádisterin qoldanyp jatyr dep sanaıtynyn, saılaýdy da onyń nátıjesin de moıyndamaıtynyn aıtady.
 
"Biz, qazaqstandyqtar — erkindik pen beıbitshilikti súıetin, óz bolashaǵymyzdy ózimiz baǵdarlaı alatyn azamattarmyz! Bárimiz ádil saılaý men ashyq saıası júıege laıyqtymyz dep sanaımyz. Sondyqtan biz bul prezıdenttik saılaýdy zańdy dep tanymaımyz. Merziminen buryn jáne asyǵys saılaý ádiletti bola almaıdy. Biz kezekten tys saılaýdy, onyń nátıjelerin moıyndamaımyz jáne barlyq otandastarymyzdy soǵan shaqyramyz. Biz naqty ózgeristerdi qalaımyz jáne ol ózgerister saıası reformalardan, qýǵyn-súrginnen bas tartýdan, quqyqtar men bostandyqtardy basyp-janshýdan bas tartýdan bastalý kerek dep sanaımyz" delingen málimdemede.
 
Qozǵalys músheleri tómendegideı talaptaryn jetkizdi.
 
1. Saılaý júıesiniń tolyq reformasy ótpeıinshe kezekten tys prezıdenttik saılaýdan bas tartýdy talap etemiz;
2. Saılaý júıesin reformalaý jáne prezıdenttik, parlamenttik jáne máslıhattar saılaýyn ótkizý erejelerin ózgertý qajet. Reforma halyqaralyq standarttarǵa jáne eldiń demokratııaly qoǵamda ádil saılaý ótkizý jónindegi mindettemesine sáıkes júrgizilýi tıis;
3. Prezıdenttikke kandıdattarǵa qoıylatyn talaptardy jeńildetý qajet;
4. Saıasatqa qatysýǵa barlyq azamattarǵa múmkindik berilýi tıis. Qazaqstan Respýblıkasynyń Konstıtýsııasy boıynsha bıliktiń negizgi qaınar kózi — halyq;
5. Barlyq saıası tutqyndardy jáne Kantarda qatysqany úshin qýǵynǵa ushyraǵandardy, sonyń ishinde zańsyz ustalǵan Janbolat Mamaıdy bosatýdy talap etemiz!
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir