«AMANAT» Tuǵyrnamany qoǵam talabyn eskere otyryp jańartady

Búgin «AMANAT» tóraǵasy Erlan Qoshanov partııanyń jańa Saıası tuǵyrnamasyn ázirleý jóninde keńes ótkizdi. Is-sharaǵa Parlament depýtattary, qoǵam qaıratkerleri men sarapshylar qatysty. Sondaı-aq, beıne-konferens baılanys arqyly partııanyń aımaqtyq fılıaldary qosyldy.

Saıası tuǵyrnamany jańartý jumystary bıyl sáýirden bastap júrgizilýde. Kezdesýdi asha otyryp, Erlan Qoshanov Qazaqstan damýdyń sapaly jańa kezeńine qadam basqanyn jáne «AMANAT» partııasy qoǵam talabyna saı ózgerýi tıis ekenin atap ótti.

«Memleket basshysy «Jańa Qazaqstandy» qurý isine qatysty aýqymdy mindetter qoıdy. Partııa osy jumysqa belsene qatysyp, Prezıdent reformalaryna qoldaý kórsetýi tıis. Ol úshin «AMANAT»-tyń Saıası tuǵyrnamasyn qaıta qaraý qajet. Bul qadam partııalyqtarǵa jańa baǵyt-baǵdar berip, olardyń halyq múddesin qorǵaý isindegi azamattyq belsendiligin arttyrýy tıis», – dep atap ótti E.Qoshanov.

​Partııa tóraǵasynyń pikirinshe, Saıası tuǵyrnamany jańartý jumysy tek «halyq únine qulaq asatyn partııa»formatynda júrgizilýi tıis. Bul – asamańyzdy másele. Erkin pikir almasý, keń saıası dıalog qamtamasyz etilýi tıis. Bul jumysqa barlyq amanattyqtaratsalysýy qajet.

«Árbir partııalyq Saıası tuǵyrnamamyzdy bilip qana qoımaı, ondaǵy qundylyqtarmen bólisýi kerek. Ony kúndelikti jumysynda basshylyqqa alǵany mańyzdy», – dep atap ótti E.Qoshanov.

Otyrys barysynda Májilistegi «AMANAT» fraksııasynyń músheleri Aıdos Sarym, Ekaterına Smyshlıaeva, Erlan Saırov, partııanyń Saıası keńesi Bıýrosynyń múshesi Marat Shıbýtov, qoǵam qaıratkerleri Murat Ábenov, Danat Jumın, Marat Báshimov, partııanyń aımaqtyq fılıaldarynyń ókilderi jáne taǵy basqalar sóz sóıledi. Partııanyń Saıası tuǵyrnamasynda kórinis tabýy tıis tásilder belsendi talqylandy. Bul qadam «AMANAT»-tyńbásekege qabilettiligin arttyryp, jańa jaǵdaıda saılaýshylardyń senim údesinen shyǵýǵa múmkindik berýi tıis.

Otyrys qorytyndysy boıynsha partııa tóraǵasy Saıası tuǵyrnamany ázirleý isine qatysty birqatar tapsyrmajúktedi. Atap aıtqanda, Tuǵyrnama jobasyn jarııa talqylaý uıymdastyrylady. Sonyń ishinde,saraptamalyq kezdesýler, óńirlerde jeke keńester ótkiziledi. Bul jumysqa partııanyń barlyq fılıaldary, Májilistegi jáne barlyq deńgeıdegi máslıhattardaǵy fraksııalar tartylady.

Aýqymdy talqylaý júrgizý maqsatynda qujat partııanyń saıtynda jáne áleýmettik jelilerde ornalastyrylady. Ár otandasymyz óz usynysyn engize alady. Qoǵamdyq saıasat ınstıtýty partııalyqtar arasynda jańa Saıası tuǵyrnamanyń basymdyqtary jóninde áleýmettik saýalnama júrgizedi. Qujat jobasy «TALQYLAU» dıalog alańynda sarapshylardyń, blogerler men qoǵam belsendileriniń qatysýymen talqyǵa salynady.

«AMANAT» partııasynyń Saıası tuǵyrnamasynyń qorytyndy jobasy bıyl kúzde respýblıkalyq partııa konferensııasynda talqylanady.