• USD 468.56

  • EUR 497.56

  • RUB 7.3

  • CNY 67.18

29 Naýryz, 12:01:54
Almaty
+35°

Keshe, 21 tamyz kúni Almatyda «Qandas medısına mamandarynyń ǵylymı talqysy» degen ataýmen Qazaqstan táýelsizdigin alǵaly elge Qytaıdan kelgen qandastardyń ishinde medısına salasynda qyzmet etip júrgen mamandardyń arnaıy jıyny ótti. Konferensııaǵa «El-Aman medısına» ortalyǵynyń dırektory, ishki aýrýlar kafedrasy bas dárigeriniń orynbasary Dastan Razbaıuly men Damu Business Group qaýymdastyǵynyń basqarma tóraǵasy Qumar Jumahan bastamashyl bolǵan.

Dastan Razbaıuly jıyn el egemendigin alǵan 30 jylda adam janynyń arashasy bolǵan dárigerlerdi, medısına mamandaryn elge, halyqqa tanystyrý, sol arqyly olardyń eńbegin kópshilikke jetkizýdi maqsat etetinin aıtty.

–  Osy jınalysty ótkizýge kómek kórsetken Damu Business Group qaýymdastyǵyna, spıker aǵalarǵa, bastamany birinshi bolyp kótergen Serik Dúısenbiuly aǵamyzǵa, kelip qatysyp jatqan barlyq áriptesterime alǵysymdy bildirem, – dedi jıyndy ashqan «El-Aman medısına» ortalyǵynyń dırektory.

Damu Business Group qaýymdastyǵynyń basqarma tóraǵasy Qumar Jumahan is-shara birliktiń, yntymaqtyń arqasynda júzege asyp otyrǵanyn atap ótti.

Foto: Qamshy.kz

Jıyn barysynda mamandar elimizdegi medısına salasyn birlese damytý joldaryn talqylap, saladaǵy jekelegen máseleler týraly óz tájirıbeleri negizinde baıandamalar jasady.

Qazaqstan Ulttyq Ǵylymı Medısına Ortalyk júrek ınstıtýtynyń dırektory Asqar Qadylbekuly sozylmaly júrek jetispeýshiligin emdeýdegi jańa tehnologııalar týraly jańalyqtardy bólisti.

«Kelun-Kazpharm» JShS-nyń quryltaıshysy jáne atqarýshy dırektory Mereı Slamýly kompanııanyń damý barysy jóninde aıtsa, Ál-Farabı atyndaǵy Qazaq ulttyq zertteý ýnıversıteti Dárilik ósimdikterdi ǵylymı zertteý ortalyǵynyń dırektory Hımııa jáne organıkalyq zattar, tabıǵı qosylystar men polımerler tehnologııasy kafedrasynyń professory, PhD doktory Janar Jeńisqyzy “Qazaqstanda ósetin dárilik ósimdikterdiń fıtohımııalyq beıini jáne bıologııalyq belsendiligi” atty ǵylymı baıandama jasasa, 
onkologııa jáne omyraý bezi, qalqansha beziniń mamany Jeńis Qalııazym omyraýbez raginiń qoltyq astyndaǵy lımfa túıinderiniń bıopsııasy týraly aıtty.

Almaty Shyǵys medısına ortalyǵynyń qyzmetkeri Erlan Qazezuly dástúrli qytaı medısınasy men ıne arqyly emdeýdiń mańyzy jáne onyń aýrýlardy emdeýdegi erekshe róline toqtalsa, Ulttyq ǵylymı medısınalyq ortalyqtyń Intervensıondy kardıologııa bóliminiń meńgerýshisi Beglan Stamboluly «Sozylmaly tolyq koronarlyq okklıýzııaǵa arnalǵan ıntervensııalyq terapııanyń usynylǵan baǵyty», Ortoped, súıek mamany Muqaı Baýyrjan «Bel omyrtqa aralyq taqsysynyń bultıyp shyǵýy», Almaty Býchan klınıkasynyń ıgloterapevti Asqar Dákenuly MRT arqyly omyrtqa aýrýlaryn anyqtaý, pýlmonolog Dýtan Sáken týberkýlezdi sáýlelik dıagnostıkalaý jónindegi tájirıbelerin ortaǵa saldy.

Júrek-qan tamyrlar júıesiniń dárigeri Gúlnaz Seıdolla «Antıbıotık dárilerdiń klınıkada qoldanylýy» týraly ǵylymı jumysyn nazarǵa usyndy.

Konferensııa barysynda kúrmeýi kóp kúrdeli máseleler týraly aıtyldy

Aıtalyq, shet elge emdelip jatqan adamdarǵa analız jasaý, sol apparttardy kásipkerlerdiń kómegimen elge ákelý máselesi, naýqastyń shet elge barǵandaǵy jol shyǵynyn, emdelý aqysyn óteý jaǵdaılary, qarjy jetispeýinen shet eldegi em toqtap qalǵan jaǵdaılardy sheshý jaıy, shetelde emdelýge barǵandar kezigetin til máselesin sheshý joldary, medısına salasynan beıhabar mamannyń dáriger bolýy, naýqastardyń shet elge barýynan otandyq medısınanyń álsireýi, taza qazaq tilinde qyzmet kórsetetin emhananyń joqtyǵy sekildi túıitkilderdi sheshý amaldary týraly oılar aıtylyp, usynystar jetkizildi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir