• USD 468.56

  • EUR 497.56

  • RUB 7.3

  • CNY 67.18

29 Naýryz, 19:13:36
Almaty
+35°

Májilis depýtaty Ekaterına  Smyshlıaeva «AMANAT» partııasy  Qostanaı oblystyq fılıaly janyndaǵy bilim berý jáne densaýlyq saqtaý máseleleri jónindegi óńirlik Qoǵamdyq keńestiń otyrysyna qatysty.

Onda óńirdegi densaýlyq saqtaý jáne bilim berý salasyndaǵy ózekti máselelerdi talqylady. Jıynda sóz sóılegen Qostanaı oblystyq densaýlyq saqtaý basqarmasynyń basshysynyń m.a. Danııar Jandaev aımaqtaǵy ana men bala densaýlyǵyn qorǵaýdyń erekshelikteri týraly aıtty.

Búgingi kúni medısınalyq kómektiń utqyrlyǵy men qoljetimdiligin qamtamasyz etý maqsatynda medısınalyq joǵary oqý oryndarynyń túlekterin jumysqa ornalastyrý júrgizilýde. Oblysta 28 densaýlyq saqtaý nysanynyń qurylysy josparlanǵan. Aǵymdaǵy jyldyń alty aıynda óńirde 5074 sábı dúnıege keldi. Sondaı-aq, jańa týǵan náresteden 3 jasqa deıingi jas sanatyndaǵy balalar "Delfın" sábıler úıi KMM-de saýyqtyrylady, tósek qorynyń jalpy sany  75 tósekti quraıdy, – dedi.
Foto: Májilistiń baspasóz qyzmeti

D. Jandaevtyń aıtýynsha, Qostanaı oblysynda balalar medısınasy erekshe jaǵdaıda deýge bolady. Qazirgi tańda Oblystyq balalar aýrýhanasynyń jóndeý jumystaryna qatysty birqatar máseleler bar. Jalpy   oblys deńgeıinde balalarǵa medısınalyq kómek kórsetý deńgeıi  qanaǵattanarlyq deńgeıde.

О́z kezeginde, Májilis depýtaty Ekaterına Smyshlıaeva  medısına salasyn sıfrlandyrý máselesi nazarda ekenin jetkizdi. Depýtat atap ótkendeı, Damumed aqparattyq júıesi sala jumysyn jeńildetý úshin engizilgen bolatyn. Alaıda, jumys barysynda kerisinshe qıyndyqtar týdyrǵandyqtan, birińǵaı operatorlyq qyzmetti engizý boıynsha depýtattyq usynym jasaıtyn aıtty.

Sonymen qatar jıynda "Respýblıkalyq elektrondyq densaýlyq saqtaý ortalyǵy" Qostanaı fılıalynyń dırektory Andreı Solovev  2017 jyly Damumed medısınalyq aqparattyq júıesi oblystyń bes iri emhanasynda pılottyq engizýden bastalǵanyna toqtalyp, máseleniń problemalyq aspektileri men sheshý joldary týraly aıtty.

Qostanaı oblysyna jumys sapary barysynda Ekaterına Smyshlıaeva Rýdnyı qalasyna, Meńdiqara, Uzynkól aýdandaryna baryp, mektep jáne feldsherlik akýsherlik pýnkterdiń jumysyn baqylady.

Májilistiń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir