• USD 468.56

  • EUR 497.56

  • RUB 7.3

  • CNY 67.18

29 Naýryz, 12:29:54
Almaty
+35°

Eńbek jáne halyqty áleýmettik qorǵaý mınıstrligi qandas mártebesin alǵan etnıkalyq qazaqtarǵa qonys aýdarýǵa jáne turǵyn úıdi jaldaý jónindegi shyǵystardy jabýǵa arnalǵan sýbsıdııalarmen qatar qandastarǵa jumyspen qamtýǵa járdemdesý sharalary jáne basqa da jeńildikter beriletinin málim etti.

Qandas mártebesin alý nemese uzartý, sondaı-aq qandastar men qonys aýdarýshylardy qabyldaýdyń óńirlik kvotasyna engizý boıynsha ótinishter jergilikti atqarýshy organdarda, "Azamattarǵa arnalǵan úkimet" memlekettik korporasııasynda jáne Qazaqstan Respýblıkasynyń shet elderdegi mekemelerine qabyldanady.

Qandastar men qonys aýdarýshylardy qabyldaýdyń óńirlik kvotasy úkimet aıqyndaǵan Aqmola, Atyraý, Shyǵys Qazaqstan, Batys Qazaqstan, Qostanaı, Pavlodar jáne Soltústik Qazaqstan oblysy sekildi óńirlerge bólinedi.

 

О́ńirlik kvotaǵa engizilgen qandastarǵa kóshýge (otbasynyń árbir múshesine 70 AEK-ten (222 myń tg) birjolǵy tólem) jáne 12 aı ishinde jaldaý shyǵystaryn jabýǵa jáne kommýnaldyq qyzmetterdi tóleýge (otbasyna 15-ten 30 AEK-ke deıingi mólsherde) sýbsıdııa túrinde memlekettik qoldaý kórsetiledi.

 

Sonymen qatar qandas mártebesin alǵan etnıkalyq qazaqqa tómendegi qyzmetter qoljetimdi:

– QR aýmaǵyna kirý kezinde kólik quraldaryn qosa alǵanda, jeke paıdalanýǵa arnalǵan múlikke kedendik tólemderdi tóleýden bosatylady;

– qandastardy beıimdeý jáne yqpaldastyrý ortalyqtarynda tegin beıimdeý jáne yqpaldastyrý qyzmetterimet qamtamasyz etiledi;

– tehnıkalyq jáne kásiptik, orta bilimnen keıingi jáne joǵary bilim beretin oqý uıymdaryna oqýǵa túsýge kvota sheńberinde bilim alý (Qazaqstan Respýblıkasynyń azamattary bolyp tabylmaıtyn ulty qazaq adamdar úshin kvota 4% mólsherinde belgilengen);

– Qazaqstan azamattarymen teń jaǵdaıda jumyspen qamtýǵa járdemdesý sharalarymen qamtamasyz etý;

– memlekettik turǵyn úı qorynan turǵyn úı alýǵa ótinish berý múmkindigi.

Budan basqa elde turaqty turatyn qandastar jeńildetilgen tártippen (tirkeý tártibimen) Qazaqstan Respýblıkasynyń azamattyǵyn ala alady.

2022 jylǵy 1 tamyzdaǵy jaǵdaı boıynsha 9 077 etnıkalyq qazaq tarıhı otanyna oralyp, qandas mártebesin alǵan. 1991 jyldan bastap respýblıkaǵa barlyǵy 1 mln 96,9 myń etnıkalyq qazaq oraldy. Osy jyldyń basynan bastap Qazaqstanǵa kelgen qandastardyń jartysynan astamy (69,9%) О́zbekstannan, 10,3% – QHR-dan, 7,1% – Túrkimenstannan, 4,0% – Mońǵolııadan jáne 8,7% – basqa elderden kelgen.

"Qamshy" silteıdi
Ilmek sózder: qandastardy qoldaý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir