Foto: Ýkraına prezıdentiniń baspasóz qyzmeti
Ýkraına ınfraqurylym mınıstri Aleksandr Kýbrakov pen Túrkııanyń saýda mınıstri Mehmet Mýsh soǵystan keıin Ýkraınany qalpyna keltirý isine túrik tarabynyń qatysýy qarastyrylǵan ózara túsinistik memorandýmyna qol qoıdy. Ýkraına prezıdenti baspasóz qyzmetiniń habarlaýynsha, qujatqa Vladımır Zelenskıı men Túrkııa prezıdenti Rejep Taıyp Erdoǵannyń Lvovtaǵy kelissózderi aıasynda qol qoıylǵan, dep jazady currenttime.tv portaly.
"Túrkııa – bizdiń strategııalyq odaqtasymyz. Biz Reseı qıratqan ınfraqurylymdy qalpyna keltirý kezinde yntymaqtastyqqa daıyn bolǵandary úshin túrkııalyq áriptesterimizge alǵys aıtamyz. Túrik kásipkerleriniń joldar men kópirlerdi, atap aıtqanda Zaporoje jáne Kremenchýg kópirlerin salýda tájirıbesi mol jáne ózin senimdi seriktes retinde kórsete bildi. Sol sebepti jaqynda ınfraqurylymdy birlesip qalpyna keltirýde naqty nátıjege jetemiz degen oıdamyz", dedi Ýkraına ınfraqurylym mınıstri Aleksandr Kýbrakov.
Kelissóz barysynda, birinshi joba retinde Býcha men Irpendi Kıevpen baılanystyratyn Kıev oblysy Romanovka aýylyndaǵy kópirdi qalpyna keltirý máselesi talqylandy.
"Túrkııa prezıdentiniń Ýkraınaǵa sapary – qýatty memlekettiń Ýkraınaǵa qoldaý bildirýiniń aıqyn dáleli" dep málimdedi Zelenskıı.
Ol Erdoǵanmen astyqty ýkraın porttary arqyly shyǵarýdy jaqsartý, Zaporojedegi AES ahýaly, Máskeýdiń "ıadrolyq bopsasy", "Reseıdiń bıdaı urlaýy" jáne qorǵanys salasyndaǵy áriptestik máselesin talqylaǵan.
Zelenskıı men Erdoǵan kelissózderi Lvovtaǵy Potoskıı saraıynda ótken.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir