• USD 472.68

  • EUR 466.91

  • RUB 8.01

  • CNY 66.45

05 Qazan, 08:30:10
Almaty
+9°
"Shańyraq oqıǵasy" boıynsha uzaq jylǵa sottalǵan Qurmanǵazy О́tegenov 19 tamyzda tańerteń túrmeden bosap shyqty, dep habarlady Azattyq radıosy.

Qurmanǵazy О́tegenov 2006 jylǵy 14 shildede Almatynyń shetindegi Shańyraq eldimekeninde bolǵan oqıǵaǵa qatysqany úshin sottalǵan. Sot úkimi boıynsha 16 jylǵa bas erkindiginen aıyrylǵan Qurmanǵazy О́tegenovtiń jaza merzimine 2013 jyly túrme ákimshiliginiń "zańdy talabyna baǵynbaǵany" úshin taǵy eki jarym jyl qosylǵan edi.

Shańyraqta sot "zańsyz salynǵan" dep tanyǵan baspanalaryn súrýge kelgen bılik ókilderine jergilikti turǵyndar qarsylyq kórsetip, qaqtyǵys saldarynan polısııa qyzmetkeri qaza bolǵan. Osy oqıǵadan keıin tórt adam uzaq merzimge sottalǵan. Olardyń ekeýi 2020 jyly merziminen buryn shartty bostandyqqa shyqty.

"Shańyraq isi" boıynsha 18 jylǵa sottalyp, 15 jylyn túrmede ótkizgen, byltyr kúzde densaýlyǵyna baılanysty bosatylǵan dıssıdent, aqyn Aron Atabek túrmeden shyqqannan keıin kóp uzamaı aýrýhanada qaıtys bolǵan. Halyqaralyq quqyq qorǵaý uıymdary men jergilikti belsendiler onyń ólimine bılikti kinálap, túsinikteme berýdi talap etti. Halyqaralyq dárejede tergeý júrgizý qajettigin de alǵa tartty. Al belsendiler "Shańyraq isiniń" qaıta qaralýyn talap etti.

"Qamshy" silteıdi
Ilmek sózder: Shańyraq isi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir