Bıylǵy oqý jylynda Shyǵys Qazaqstan oblysynda 10 myń bala birinshi synypqa barady

Oblystar bólingennen keıin ShQO 342 jalpy bilim beretin mektep jumys isteıtin bolady. Eki aptadan keıin mektep esikteri 95 138 oqýshyǵa aıqara ashylady, onyń ishinde 9 728 birinshi ret partaǵa otyrady. О́ńirlik kommýnıkasııalar qyzmetinde ótken brıfıng barysynda bilim basqarmasynyń ókilderi jańa oqý jylyna daıyndyq barysy týraly aıtyp berdi.

Tamyzdyń ekinshi jartysy  - muǵalimder, oqýshylar jáne olardyń ata-analary úshin dástúrli túrde qarbalas kezeń bolyp tabylady. Shyǵys Qazaqstanda oqý jylyna belsendi daıyndyq júrip jatyr. Bilim berý uıymdaryna kúrdeli jáne aǵymdaǵy jóndeý júrgizý úshin 1 mlrd. teńge bólindi. Jańa modıfıkasııa kabınetteri jańartylýda, onyń ishinde aǵymdaǵy jyly óńirdiń 17 mektebine 129,6 mln.teńgege 22 kabınet satyp alyndy. Mektepterde barlyǵy 787 kabınet ornatylǵan. Al Rıdder, Shemonaıha qalalarynda, Qasym Qaısenov kentinde, Ýrýnhaıka jáne Jolnusqaý aýyldarynda jańa mektepter salynýda.

- Oqý jyly bastalǵanǵa deıin barlyq oqýshylar oqýlyqtarmen jáne oqý-ádistemelik keshendermen qamtamasyz etiledi - dep atap ótti Shyǵys Qazaqstan oblysy bilim basqarmasy basshysynyń mindetin atqarýshy  Alıma Aqylbekqyzy.

О́ńirde  daryndy balalarǵa arnalǵan 6 mamandandyrylǵan mektep bar ekenin atap ketken jón.Oqýshylardy qabyldaý QR oqý-aǵartý mınıstrligi ótkizetin emtıhandar qorytyndysy boıynsha júzege asyrylady. «QR oqý-aǵartý mınıstrliginiń buıryǵy negizinde qazirgi ýaqytta osy mamandandyrylǵan mektepterge halyqtyń áleýmettik osal toptarynan shyqqan balalardy qosymsha qabyldaý júrgizilýde. Qujattardy qabyldaý aǵymdaǵy jyldyń 23 tamyzyna deıin júrgiziledi", - dep tolyqtyrdy vedomstvo ókilderi.

Sondaı-aq, brıfıngke qatysýshylardyń aıtýynsha, 2022 jyly «Jalpyǵa mindetti oqytý» qorynyń shyǵyndary 1891 mln.teńgeni qurady. 25 tamyzǵa deıingi merzimde kóp balaly jáne az qamtylǵan otbasylardyń barlyq oqýshylary jańa mektep formasymen jáne aıaq kıimmen qamtamasyz etiledi.

Sonymen qatar, el prezıdenti Qasym-Jomart Kemeluly Toqaev jarııalaǵan balalar jyly aıasynda óńirde «Mektepke jol» aksııasy ótýde. 3 myń 345 bala mektep, sporttyq kıim, aıaq kıim, keńse taýarlary túrinde 22 mln teńgeden astam somaǵa demeýshilik materıaldyq kómek aldy.

Sonymen qatar, vedomstvoda habarlaǵandaı, bilim berý uıymdarynda balalar úshin qaýipsiz jaǵdaı jasaý máselesi basymdyqqa ıe. Osy maqsatta oblystyń jalpy bilim beretin mektepteri men mektepke deıingi mekemeleriniń 100% beınebaqylaý júıelerimen jabdyqtalǵan.