Foto: Alekseı Starkov/www.vpartner.kz
Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Eńbek jáne halyqty áleýmettik qorǵaý mınıstrligimen birgen "Iаndeks GO" kompanııasynyń bas dırektory Aleksandr Anıkınmen kezdesip, birqatar máselelerdi talqylaǵanyn málim etti.
Mınıstrdiń dereginshe, qazirgi tańda Iаndeks platformasynda 150 myńǵa jýyq adam jumys isteıdi.
Kóbine bul kisiler áleýmettik turǵyda qorǵalmaǵan, sebebi olar tirkelgen taksoparkterdiń keıbiri tıisti salyq pen aýdarymdardy tólemeıdi. Jumyspen qamtamasyz etýdiń platformalyq nusqasy keń taralyp jatqandyqtan, memleket osyndaı platformalar arqyly tabys tabatyn azamattardy qoldaý jaǵyn oılastyrýy kerek" degen mınıstr óz tarapynan júrgizýshilerge platformaǵa tikeleı tirkelý múmkindigin berýdi usynǵanyn, sonda memleket olardy áleýmettik turǵyda qorǵaı alatynyn atap ótti.
Sózinshe, qazir Iаndeks 63 qazaqstandyq taksoparkpen jumys istep jatyr.
Sondaı-aq kompanııa basshysymen IаndeksGO qosymshacyn paıdalaný kezinde azamattardyń qaýipsizdigin birinshi orynǵa qoıý máselesin talqylanǵanyn, qosymshada tirkelgen júrgizýshilerdi sáıkestendirý jáne olardyń qujattarynyń durystyǵyn tekserý úshin bıometrııalyq júıeni qoldanýǵa bolatynyn jetkizdi
"Bul ne úshin kerek? Máselen, bireýlerdiń júrgizýshi kýáligi joq nemese bógde adamdar arqyly tirkelý oqıǵalary kezdesedi. Eńbek jáne halyqty áleýmettik qorǵaý mınıstrligi tarapynan ınvataksı qyzmetin memlekettik bıýdjet qarajaty esebinen qarjylandyrý boıynsha usynystar aıtyldy. Jalpy, osy máselelerdi jan-jaqty qarastyryp, barynsha tıimdi sheshimder men tásilder izdestiretin boldyq" dedi mınıstr kezdesý qorytyndysy boıynsha facebook-te jazǵan jazbasynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir