Prezıdent Erlan Turǵymbaevty da qyzmetinen bosatty

Erlan Turǵymbaev prezıdenttiń keńesshisi qyzmetinen bosatyldy. Bul týraly  Aqorda  habarlady.

"Memleket basshysynyń ókimimen Erlan Zamanbekuly Turǵymbaev Qazaqstan Respýblıkasy Prezıdentiniń keńesshisi laýazymynan bosatyldy", - delingen habarlamada.

Erlan Turǵymbaev qańtar oqıǵasynan keıin ishki ister mınıstri qyzmetinen bosatylyp, prezıdenttiń keńesshisi qyzmetine taǵaıyndalǵan edi.

Buǵan deıin Qasym-Jomart Toqaev Baqyt Sultanovty Saýda jáne ıntegrasııa mınıstri laýazymynan, Erlan Ydyrysovty Qazaqstannyń Ulybrıtanııadaǵy jáne basqa birqatar eldegi elshi qyzmetinen bosatqan bolatyn.