Kórneki sýret
Qazgıdromet jazdyq bıdaı men kúnbaǵystyń ónimdiligine baılanysty agrometeorologııalyq boljamdy jarııalady.
Qazgıdromet mamandarynyń aıtýynsha, eseptik derekterge sáıkes jáne qalyptasqan, kútiletin agrometeorologııalyq jaǵdaıdy eskergende respýblıkanyń soltústik jartysynda jazdyq bıdaıdyń ónimdiligi kóbinese ortasha kóp jyldyq mánge jýyq, al Batys Qazaqstan jáne Aqtóbe oblystarynyń basym bóliginde ortasha kóp jyldyq mánnen joǵary bolady.
Soltústik Qazaqstan oblysynyń Jambyl, Qyzyljar jáne Aqqaıyń aýdandarynda, Qostanaı oblysynyń Qamysty aýdanynda, Shyǵys Qazaqstan oblysynyń Katonqaraǵaı jáne Altaı aýdandarynda bıdaıdyń ónimdiligi normadan joǵary dep boljanyp otyr.
Al kúnbaǵystyń ónimdiligi Qostanaı jáne Pavlodar oblystarynda ortasha kóp jyldyq mánge jýyq, al Shyǵys Qazaqstan oblysynda ortasha kóp jyldyq mánnen joǵary bolady dep kútiledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir