• USD 470.06

  • EUR 466.68

  • RUB 7.91

  • CNY 66.08

06 Qazan, 17:08:57
Almaty
+16°

Jappaı tártipsizdikterdi uıymdastyrýdaǵy qylmystyq áreketter adam ólimderine ákep soqty.

– Qylmystyq ister sheńberinde myńdaǵan kúrdeli sot saraptamalary júrgizildi. Qańtar oqıǵalary kezinde 238 adam qaza boldy. Olardyń ishinde qylmyskerler, ári kinásiz adamdar da bar. Biz árbir faktini jan-jaqty qaraýdamyz. Búgingi kúni biz 176 adamnyń qaza bolý mán-jaılaryn anyqtadyq jáne tergeý jalǵasýda, – dedi Bas prokýratýranyń Qylmystyq qýdalaý qyzmeti bastyǵynyń orynbasary Eldos Qılymjanov Ortalyq  kommýnıkasııalar  qyzmeti alańynda.

Anyqtalǵan mán-jaılardyń ishinde Almaty qalasy, Almaty, Jambyl jáne Qyzylorda oblystarynda qaza bolǵan 19 qurylymdyq kúsh qyzmetkerleriniń isi bar.

– Atalǵan qyzmetkerler qoǵamdyq tártip pen memlekettik obektilerdi qorǵaýda óz qyzmettik mindetterin oryndaýda qaza tapty, al keıbireýleri jappaı uryp-soǵýlarǵa tap boldy. Quqyq qorǵaý organdarynyń qyzmetkerleri óz boryshtaryn atqaryp, jappaı uryp-soǵý, kólik quraldarymen basyp ótý saldarynan jáne qarýsyz bola tura olarǵa tikeleı oq atý nátıjelerinde qaza boldy. Máselen, Almaty qalasy ákimdiginiń ǵımaratyn kúzetýge qatysqan, qarýsyz áskerı qyzmetshi podpolkovnık Haırovtyń ólimi kezinde erekshe qatygezdik kórinis tapty. Onyń máıiti ǵımarattyń shatyrynda anyqtaldy. Zorlyq-zombylyqpen óltirýden keıin, qylmyskerler aıǵaqtardy jasyrý úshin denesin órtep jibergen. 39 jastaǵy ofıserdiń otbasy men eki kámeletke tolmaǵan balalary qaldy, – dedi Eldos Qılymjanov.

"Qamshy" silteıdi
Ilmek sózder: Qańtar oqıǵasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir