• USD 472.68

  • EUR 466.91

  • RUB 8.01

  • CNY 66.45

05 Qazan, 08:15:48
Almaty
+9°

Bolat Nazarbaevtyń burynǵy áıeli Gúlnur Nazarbaeva sot arqyly eks-jubaıynyń tegin saqtap qaldy, dep habarlady orda.kz

Joǵarǵy Sottyń azamattyq ister jónindegi sot alqasynyń sýdıasy Záýre Keıkibasova Bolat Nazarbaev ókiliniń onyń burynǵy áıeli Gúlnur Nazarbaevany "Nazarbaeva" teginen aıyrý týraly aryzyn qaraýǵa negiz joq dep tapty.
 
Bolat Nazarbaev pen Gúlnur Dúısebaevanyń (burynǵy tegi) nekesi 2009 jylǵy 25 tamyzda Almaty oblysy Jambyl aýdandyq AHAJ bóliminde tirkelgen. Neke tirkelgennen keıin Gúlnur Dúısebaeva kúıeýiniń tegin alǵan. 2013 jyly ol jeke kýálik, 2018 jyly Gúlnur Nazarbaevanyń atyna tólqujat alǵan.

2021 jylǵy 18 naýryzda Qarasaı aýdandyq soty erli-zaıyptylar arasyndaǵy nekeni jaramsyz dep tanyǵan. Neke buzylǵannan keıin Nazarbaev burynǵy áıeli budan bylaı tegin alyp júrýge quqyǵy joq dep eseptep, sottan burynǵy tekti ózgertý aktisin joıyp, Gúlnur Nazarbaevanyń qujattaryn jaramsyz dep tanýdy suraıdy. 2021 jyldyń 28 qyrkúıeginde sot Bolat Nazarbaevtyń talap aryzyn qanaǵattandyrǵan.

Alaıda Almaty oblystyq sotynyń azamattyq ister jónindegi sot alqasy bul sheshimniń kúshin joıyp, Gúlnur burynǵy jubaıynyń teginde qalǵan. Sebebi, erli-zaıyptylardyń tegin nekege deıingi tegine aýystyrý máselesin jeke talap aryzben emes, neke jaramsyz dep tanylǵan kezde sot sheshedi delingen jaýap beriledi.

Bolat Nazarbaevtyń ókilderi Gúlnurdy teginen aıyrý boıynsha isti Joǵarǵy sotqa deıin aparǵan. Biraq sýdıa Keıkibasova apellıasııalyq sot durys sheshim shyǵarǵandyqtan, isti Joǵarǵy sottyń qaraýyna negiz joq dep sanady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir