"Qazbalaı bastaımyz". Boqaev ulttyq kompanııalardaǵy aı saıynǵy bonýsty kórip jaǵasyn ustady

Saıasattanýshy, Namys bastamashyl tobynyń jetekshisi Sanjar Boqaev kvazımemlekettik sektorǵa qaraıtyn ulttyq kompanııalar basqarma tóraǵasy men dırektorlar keńesi múshelerine aı saıyn bonýs túrinde qyrýar qarjy berip otyrǵanyn málim etti.

Máselen, Qazaqtelekom 2021 jyly basqarmanyń bir múshesine aı saıyn 4 mıllıon 633 myń teńge berip otyrǵan.

QazMunaıGaz kompanııasy 2020 jyly aı saıyn dırektorlar keńesiniń múshesine 4 mıllıon 868 myń teńge tólegen.

QazAtomProm dırektorlar keńesi men basqarma múshelerine 2021 jyly 1 mıllıard teńgeden astam aqsha tólegen. Sonda 1 adam aı saıyn 7 mıllıon teńgege jýyq aqsha alyp bolyp tur.

Qazaqstan temir joly aı saıyn DK múshesine 4 mıllıon teńgege jýyq tóleıdi.

Sanjar Boqaev dırektorlar keńesiniń múshesi shtattyq qyzmetker emestigin, aıyna bir-eki ret kelip-ketetin táýelsiz baqylaýshy ekenin atap ótti.

Onyń aıtýynsha, kompanııa qyzmeti qanshalyqty tıimsiz bolsa, bonýsty sonshalyqty kóp tóleıtinin anyqtaǵan.Aıtalyq Qazyna Kapıtal Menedjmet ulttyq kompanııasynyń tabysy 13 ese túsip ketkenine qaramastan, bonýs kólemi 36 paıyzǵa artqanyna tań. 

Ol tıimsiz ulttyq kompanııalar ózi men dırektorlar keńesi múshelerine mundaı joǵary bonýs taǵaıyndamaýy kerek dep sanaıdy. 

Boqaev kvazımemlekettik sektordaǵy qarajat bıýdjetten bólinip otyrǵandyqtan, ony baqylaý kerektigin jemqorlyqqa qarsy qyzmet qaperine sala otyryp, úkimet kvazımemlekettik sektordyń tıimdiligin jiti baqylap otyrýy kerektigin aıtty. Olaı bolmaǵan jaǵdaıda basqarma men dırektorlar keńesinde kim otyrǵanyn qazbalaı bastaıtynyn jetkizdi.  Qazbalaý barysynda ol jerlerde eldegi asa laýazymdy tulǵalarǵa jaqyn adamdar otyrǵany anyqtalatynyna senimdi.