• USD 468.56

  • EUR 497.56

  • RUB 7.3

  • CNY 67.18

31 Qańtar, 20:17:43
Almaty
-3°

«Abaıdy ardaqtaý – onyń dúnıetanymdyq qaǵıdalaryn ustaný, ósıetine adal bolý degen sóz», - dep Elbasy Qasym-Jomart Toqaev, Abaı kúnin merekeleýdiń maqsaty men formatyn aıqyndap bergen bolatyn. Elimizde Abaı kúni 2020 jyldan bastap, jyl saıyn 10 tamyzda atap ótiledi. Bıyl alǵash ret uly aǵartýshy, reformator, oıshyl jáne aqynnyń otany bul kúndi jańa mártebede qarsy alyp otyr. Bul týraly Abaı oblysynyń mádenıet basqarmasynda aıtyldy.

1845 jyldyń 10 tamyzynda Qazaq halqynyń uly aqyny dúnıege keldi dep esepteledi. Mine, dál osy kúni Qazaqstanda 2 jyl boldy Abaı kúni merekesi atap ótilýde. «Másele mereıtoıda emes – tuǵyrly tulǵanyń týyndylarynan tereń tálim alýda. Abaıdyń rýhyna taǵzym etý – onyń qaǵıdatyn ustaný, amanatyna adal bolý. Sonda ǵana jas urpaqtyń sanasyna qasterli qundylyqtardy sińiremiz», - dedi Memleket basshysy óziniń «Abaı - rýhanı reformator» atty maqalasynda. Uly aqynnyń týǵan jeri bıyl merekeni jańa mártebede qarsy aldy.

Foto: ShQO aqparat ortalyǵy

- Bıyl biz muqııat daıyndaldyq. Bizde Abaıǵa arnalǵan onkúndik ótti. Sharaǵa Abaı oblysynyń barlyq qalalary men aýdandary qatysty. Is-sharalar konsertter men festıvaldarmen shektelmeıdi. Bizdiń basty mindetimiz – jerlesterimizdi, osy ólkeden shyqqan týmalardy Uly babamyzdyń rýhanı murasynyń aınalasyna biriktirý bolyp tabylady. Eń bastysy, jastardy Abaı Qunanbaevtyń shyǵarmashylyǵyna, fılosofııasyna baýlý, ony zertteýge degen qyzyǵýshylyqtaryn oıatý. Abaı oıy - tereń uly tulǵa, onyń shyǵarmalary barlyq ýaqytta da ózekti, sondyqtan zertteýshiler úshin bul baǵyttaǵy jumystar jeterlik, - deıdi Abaı oblysy mádenıet basqarmasynyń resmı ókili Aıdar Ibraev.

Spıkerdiń aıtýynsha, bul kúnniń basty oqıǵasy jerlester forýmy boldy. Uly aqynnyń jerinde buryn-sońdy osynda turyp, jumys istegen nemese qazir Semeıde jáne oǵan jaqyn aýdandarda óz qyzmetin jalǵastyryp júrgen adamdar jınaldy. Qatysýshylar Abaıdyń qurmetine atalǵan mýzeı, teatr syndy mádenı nysandarmen tanysyp, «Arena» mádenı-sport kesheninde boldy.

Foto: ShQO aqparat ortalyǵy

Mereke sońynda Semeı qalasynyń Abaı atyndaǵy teatrynda Qazaqstan juldyzdarynyń qatysýymen «Uly dala-Uly Abaı» gala – konserti ótti.

ShQO aqparat ortalyǵy

"Qamshy" silteıdi
Ilmek sózder: Abaı kúni ShQO

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir