• USD 472.68

  • EUR 466.91

  • RUB 8.01

  • CNY 66.45

05 Qazan, 09:23:57
Almaty
+9°

"Qazaqstanda salafızm men vahhabızmge zańdy túrde tyıym salynsyn" degen talappen petısııa jarııalandy. Atalǵan petısııany Mıras Ermekuly degen azamat jarııalaǵan.

"2020 jyldyń qańtarynda Aqtaý jáne Jańaózen qalalarynda UQK qyzmetkerleri aqsha alý úshin birqatar urlaýdy uıymdastyrdy degen kúdikpen sáláfızm destrýktıvti dinı aǵymynyń jaqtastary tobyn ustaǵany habarlanǵan.

2018 jyly Qazaqstan Respýblıkasynyń Ulttyq qaýipsizdik komıteti Atyraý oblysynda salafıtterdiń avtobýs júrgizýshilerinen aqsha bopsalaǵanyn habarlady. Sońǵy 20 jylda mundaı jańalyqtar óte kóp, onyń barlyǵyn tizip shyǵý múmkin emes" dep jazylǵan petısııada.

Petısııa avtory 2016 jyly 14 qazanda Din isteri jáne azamattyq qoǵam mınıstri Nurlan Ermekbaev sáláfızmdi ustanýshylar ózderiniń ıdeıalary men qundylyqtaryn ulttyq salt-dástúrimizden, mádenı jáne rýhanı qundylyqtarymyzdan joǵary qoıatynyn aıtyp ótkenin eske saldy. 

"Bul petısııanyń maqsaty – Qazaqstan Respýblıkasyndaǵy qoǵamnyń qaýipsizdigin jáne konstıtýsııalyq qurylysty qamtamasyz etý, dinı arazdyqty qozdyrmaý. Islam – beıbit din. Biz, Qazaqstan Respýblıkasynyń azamattary, Qazaqstanda salafızm men vahhabızmge zańdy túrde tyıym salýdy talap etemiz!" dep jazady Mıras Ermekuly.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir