Qant tapshylyǵyna kináliler tabyldy

Elde óndirilgen qanttyń 90 paıyzyn iri kóterme jetkizýshi satyp alyp, taýardy aınalymǵa shyǵarmaı qoldan tapshylyq jasaǵan. Bul týraly  Básekelestikti qorǵaý jáne damytý agenttiginiń tóraǵasy Serik Jumanǵarın málim etti.

Onyń aıtýynsha, elde qanttyń negizgi kólemi Jambyl jáne Almaty oblystarynda ornalasqan tórt zaýytta óndiriledi.

– Bul rette elde óndirilgen qanttyń negizgi kólemin, shamamen 90 paıyzyn iri kóterme jetkizýshi satyp alyp otyrǵan. Onyń is-áreketterinen taýardy aınalymnan alyp qoıý belgileri baıqalyp otyr, sonyń saldarynan qanttyń naryqtyq baǵasy 700-800 teńgege deıin kóterilgen, al óndirýshi zaýyt ony 420-450 teńgeden satady. Qant satýdyń dınamıkasyn zertteý barysynda ár aıdyń sońynda kompanııada eldiń jekelegen óńirlerinde suranysty ishinara qanaǵattandyrýǵa múmkindik beretin qaldyq qor bolǵany anyqtaldy, – dedi Serik Jumanǵarın ekonomıkany demonopolızasııalaý jónindegi komıssııanyń kezekti otyrysynda.

Alaıda agenttik basshysy qoldan tapshylyq jasaǵan iri kóterme jetkizýshiniń aty atamady. Tek premer-mınıstr Álıhan Samaılov qant monopolısiniń qyzmetin tekserýdi tapsyrdy.