• USD 472.68

  • EUR 466.91

  • RUB 8.01

  • CNY 66.45

05 Qazan, 07:22:42
Almaty
+9°

BQO Mamandandyrylǵan tergeý soty Polısııa departamenti tergeýshisiniń kásipkerdiń ólimine kúdiktiler – 31 jastaǵy Rýslan Qojantaev pen 21 jastaǵy Turlan Amangeldige qatysty bultartpaý sharasyn tańdaý týraly ótinishin qarady, dep habarlady Moı gorod portaly.

Sot otyrysynda "Rahat Lýkým" karaoke-restoranynyń ıesi Erkin Muhanǵalıev ólimine qatysty jaıttar aıtyldy. Oqıǵa tómendegideı órbıdi.

6 tamyzda Rýslan Qojantaev pen Turlan Amangeldi kásipkermen kezdesedi. Kezdesý kezinde Qojantaev pyshaq alyp, kásipkerdiń moıny men keýde tusynan 3 ret soqqy jasaıdy. Osy sátte Turlan Amangeldi de pyshaǵyn shyǵaryp, restoran qyzmetkerin qorqytyp, onyń qashýyna jol bermeıdi. 

– Muhanǵalıev óz ómirin qutqaryp qalý úshin ashyq turǵan tereze arqyly qashýǵa tyrysady. Bul ýaqytta Qojantaev oǵan taǵy birneshe ret pyshaq suǵyp alady. Muhanǵalıev ortalyq stadıonǵa qarama-qarsy kólik turaǵyna qashady. Kúdiktiler ony qýyp jetip, Amangeldi ony jerge qulatady da aıaǵymen tepkileıdi. Sodan soń Amangeldi Qojantaevtyń pyshaǵyn surap alyp, kemi 6 ret pyshaq suǵyp alady. Aýyr jaraqat alǵan Muhanǵalıev oqıǵa ornynda qaza tabady. Qojantaev pen Amangeldi oqıǵa ornynan qashyp ketedi, – dedi prokýror Tajǵalıev. 

Saraptama qorytyndysy boıynsha, Muhanǵalıevtiń ólimine moıyn, keýde, bel aımaǵyndaǵy pyshaq jaraqattary, sol jaq uıqy arterııasynyń, oń búırektiń zaqymdanýy jáne mańdaı súıekteriniń synýy sebep bolǵan.

– Qojantaev pen Amangeldiniń turaqty tabys kózi joqtyǵyn, olardyń asa aýyr qylmys jasaǵanyn, qylmystyq qýdalaý organdarynan jasyrynǵanyn eskersek, olar jasyrynyp, obektıvti tergeýge kedergi keltirý múmkin, kýágerler men jábirlenýshilerge qysym kórsetýi yqtımal dep topshylaýǵa jetkilikti negiz bar. Sottan polısııa bólimi tergeýshisiniń ótinishin qanaǵattandyryp, Qojantaev pen Amangeldini 2 aıǵa qamaýǵa alýdy sanksııalaýdy suraımyn, – dedi prokýror. 

Rýslan Qojantaevtyń ózi tergeý dálelderimen kelispeıdi. Ol 2 áıeli, balalary baryn, ekinshi áıeliniń aıy-kúni jaqyn ekenin aıtyp, sottan ózin 2 aıǵa qamaýǵa almaýdy surady.

Al, Turlan Amangeldi sotta Rýslan Qojantaevtan qysym kórgenin, sol kúni Qojantaevpen birge restoranǵa barýǵa májbúr bolǵanyn aıtty.

2 kúdikti de buryn-sońdy sottalmaǵan. 

Sýdıa Rýslan Qojantaev pen Turlan Amangeldi 2 aıǵa qamaýǵa alý jóninde sheshim shyǵardy. Tergeý jumystary tolyq aıaqtalǵanǵa deıin aıyptalýshylar qamaýda bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir