Bilim granttary ıegerleriniń tizimi jarııalandy

2022-2023 oqý jylyna arnalǵan bilim granty ıegerleriniń esimderi belgili boldy. Tizimdi ulttyq testileý ortalyǵynyń grant.testcenter.kz saıtynan júktep alýǵa bolady.

Ǵylym jáne joǵary bilim mınıstrliginiń málimetinshe, granttardy taǵaıyndaý konkýrsyna qatysý úshin 80 myńǵa jýyq talapker qujat tapsyrǵan. Bul – ótken jylmen salystyrǵanda 5 myńǵa artyq.

"Birneshe jyl qatarynan talapkerlerdiń tańdaýy ózgerissiz qalyp otyr. Iаǵnı ótinishterdiń kóbi "Pedagogıkalyq ǵylymdar", "Injenerlik, óńdeý jáne qurylys salalary" men "Aqparattyq-kommýnıkasııalyq tehnologııalar" sııaqty baǵyttarǵa berildi. Bir granttyq orynǵa eń úlken konkýrs bolashaq muǵalimder, tis dárigerleri jáne ınjenerler arasynda boldy" delingen mınıstrlik aqparatynda.