Qostanaıda joǵalǵan 5 jasar búldirshin áli izdestirilýde. Polısııa izdeý taktıkasy ózgertilgenin habarlady

Qostanaı oblysynyń Polısııa deparlamenti joǵalyp ketken 5 jastaǵy Madına Erlanqyzyn izdeý balanyń erekshelikterin eskere otyryp, tynyshtyq rejıminde júrgizilip jatqanyn aıtty.

IIM resmı ınternet resýrsy polisia.kz portalynyń málimetinshe, aýmaqty tintý baǵyty ózgergen. Eger buryn aýmaqty tintý Tobyl ózeniniń boıymen júrgizilse, endi Tobyldan Jambyl aýylyna qaraı ózgergen"

"Túnde jylý taratqyshy bar arnaıy bólimsheler jumys istedi, barlaý taktıkasy qoldanyldy. Tańerteń tórt baǵytta 100 shaqyrymǵa deıin sozylǵan izdeý aımaǵyn aınalyp ótý qaıta bastaldy. Izdeýdi eriktiler, janashyr azamattar, sondaı-aq Ulttyq ulan, ShQ, QR UQKD áskerı qyzmetshileri, kınologtar, polıseıler, TJD jáne basqa da quqyq qorǵaý jáne arnaıy organdardyń qyzmetkerleri jalǵastyrýda" delingen habarlamada.

Madına 7 tamyz kúni tańǵy 7:00 shamasynda Qostanaı oblysy Jambyl aýylyndaǵy úıiniń terezesinen belgisiz baǵytqa shyǵyp ketken. Ústinde ish kıimnen basqa eshteńe bolmaǵan. 5 jasar qyz aýtızmge shaldyqqan, sóıleı almaıdy.