• USD 470.06

  • EUR 466.68

  • RUB 7.91

  • CNY 66.08

06 Qazan, 17:26:04
Almaty
+16°
Eldegi eń iri megapolıs Almatyda oqý jyly qarsańynda ádettegideı páter jaldaý aqysy qymbattaǵan. Mamandar qymbatshylyqtyń shyrqaý shegi áli alda ekenin aıtady.
 
Krisha.kz sarapshylarynyń dereginshe, tamyzdyń basynda 1-3 bólmeli jaldamaly páterler shildege qaraǵanda 15 paıyzǵa qymbattaǵan. Sonyń ishinde 2 bólmeli páterdi jaldaý 25 paıyzǵa, 1 bólmelilerdiki 7 paıyzǵa, 3 bólmeli páterlerlerdiń jaldaý aqysy 14 paıyzǵa joǵarylaǵan. 9 tamyzdaǵy jaǵdaı boıynsha Almatydaǵy jaldamaly páterlerdegi sharshy metrdiń ortasha quny 4900 teńgege jetken.
 
Tamyzdyń basynda 1-bólmeli páterlerdiń ortasha jaldaý aqysy aıyna 150 myń teńge, 2-bólmeliler 250 myń teńge, 3 bólmeliler 319 myń teńgege deıin ósken.
 
Jaldaý quny páterdiń ornalasqan jerine kóp baılanysty. Túrli aýdandardaǵy bir formattaǵy páterlerdiń jaldaý qunyndaǵy aıyrmashylyq keı jerlerde 200 myń teńgege deıin jetken.
 
2-bólmeli páterler Bostandyq, Medeý jáne Jetisý aýdandarynda qymbattasa, 3-bólmeli páterlerdiń jaldaý quny Medeý, Bostandyq, Áýezov aýdandarynda sharyqtaı túsken. Al jalpy qala boıynsha Almaly, Bostandyq, Medeý aýdandarynda páter jaldaý qalǵan aýdandarǵa qaraǵanda qymbatyraq.
 
Mamandar aldaǵy ýaqytta suranys artatynyna baılanysty jaldamaly páterlerdiń quny qymbattaı túsip, baspana naryǵyndaǵy sapyrylys qazan aıyna deıin jalǵasady dep otyr.
"Qamshy" silteıdi
Ilmek sózder: jaldamaly páterler

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir