• USD 468.56

  • EUR 497.56

  • RUB 7.3

  • CNY 67.18

28 Naýryz, 13:58:00
Almaty
+35°

Almatyda Ulttyq ulannyń 5571 áskerı bóliminiń merzimdi qyzmettegi áskerı qyzmetshisi jazataıym jaǵdaıda qaıtys boldy. Bul týraly "Ońtústik" óńirlik qolbasshylyǵynyń baspasóz qyzmeti habarlady.

Jaýyngerlik daıyndyq josparyna sáıkes, 5571 áskerı bóliminiń 1 jedel maqsattaǵy batalon jeke quramy 2022 jylǵy 8-13 tamyzy aralyǵynda 5574 áskerı bóliminiń oqý ortalyǵynda dalalyq jattyǵýda bolǵan.

"2022 jylǵy 9 tamyzda saǵat 20:55 shamasynda qatty daýyl kóterilip, jel saldarynan sarbazdar ornalasqan shatyr qalashyǵy búline bastaǵan. Qatardaǵy A.N. Shahımov áriptesteriniń qaýipsiz orynǵa shyǵýyna kómektesip júrip shatyrdan sońǵy bolyp shyqqan kezde, shatyrdyń temir jaqtaýy basyna tıip jaraqat alǵan. Qatardaǵy A.N. Shahımovqa jedel medısınalyq kómek kórsetilip, sanıtarlyq kólikpen Qonaev qalasyndaǵy qalalyq aýrýhanaǵa jetkizilgen. Qalalyq aýrýhana dárigerleri sarbazdy qutqara almady. Qatardaǵy A.N. Shahımov óziniń janqııarlyq áreketimen joldastaryn qutqaryp, ókinishke qaraı ózi qatty soqqydan qaza boldy. Derek týraly kezekshi qyzmet jelisi boıynsha tıisti organdarǵa habarlandy. Oqıǵanyń mán-jaıy anyqtalyp, tergeý jumystary júrgizilip jatyr. Qyzmettik tekseris taǵaıyndaldy. QR Ulttyq ulannyń Bas qolbasshylyǵy jáne "Ońtústik" óńirlik qolbasshylyǵy merzimdik qyzmet áskerı qyzmetshisi A.N. Shahımovtyń ata-anasy men jaqyndaryna orny tolmas qaıǵyǵa ortaqtasyp, kóńil aıtady" delingen habarlamada.

A.N. Shahımov 2003 jyly týǵan. Ulttyq ulan qatarynda 2022 jyldyń kókteminde Aqmola oblysy Kókshetaý qalalyq Qorǵanys isteri jónindegi departamentimen shaqyrylǵan.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir