09 Tamyz, 2022 NEWS
Foto: mgorod.kz
Oral polıseıleri kásipker Erkin Muhanǵalıevtiń ólimine baılanysty qylmys bolǵan jerde tergeý sharalaryn júrgizdi, dep habarlady "Moı GOROD" portaly.
"9 tamyzda tańǵy saǵat 10:00 shamasynda tergeýshiler Isataı-Mahambet kóshesinde ornalasqan "Rahat Lýkým" dámhanasynyń aýmaǵyna keldi. Tergeý alańy qorshalyp, polısııa qyzmetkerleri kezekshilikte turdy. Sálden soń qylmystyń basty kúdiktisi 31 jastaǵy Rýslan Qojantaev tergeý ornyna jetkizildi. Tergeýshiler men arnaıy jasaq Rýslan Qojantaevty aldymen dámhanaǵa, keıin kólik turaǵyna apardy. Onda ol qansyrap jatqan Erkin Muhanǵalıevti qalaı pyshaqtaǵanyn kórsetti. Odan keıin kúdiktini qarýly kúzet qyzmetkerleri Isataı-Mahambet kóshesindegi úılerdiń boıymen alyp ketti. Ol qylmys jasaǵannan keıin qalaı qashqanyn aıtyp berdi. Tergeý kezinde Qojantaev ózin baısaldy ustaǵan, aqyryn sóılep, polısııa qyzmetkerleriniń barlyq buıryǵyn oryndaǵan" delingen aqparatta.
6 tamyzda Oralda kásipker 48 jastaǵy Erkin Muhanǵalıevti 2 adam pyshaqtap óltirip ketken. Marqum qaladaǵy "Gýlchataı" dámhanasy men "Mahabbat" meıramhanasynyń qojaıyny bolǵany habarlandy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir