Foto: stan.kz
Almatydaǵy áıel men onyń eki balasynyń beımálim ólimine qatysty kórshileri de eshteńe bilmeıtinin aıtady. Bul týraly Eýrazııa birinshi arnasy habarlady. Kórshileriniń aıtýy boıynsha, sol kúni 34 jastaǵy áıeldiń kúıeýi issapardan kelgen. Alaıda páterdiń esigin asha almaı, esikti buzyp kirgen.
– Kúıeýi ishke kirý úshin esikti buzyp ashatyn qyzmetke habarlasýǵa májbúr boldy. Olardyń eki balasy bolǵanyn ǵana bilemiz. Chatta kórshiler onyń jaqsy áıel bolǵanyn jazyp jatyr, – deıdi kórshisi Aınur Sarbasova.
Kórshileri sol kúni áıeldiń "kómektesińder" dep aıǵaılaǵan daýysyn estigen.
– 6 tamyz kúni saǵat 7:30 shamasynda terezemiz ashyq turdy. Men balamdy tamaqtandyryp otyrǵan edim. Sosyn áıel adamnyń "kómektesińder!" dep qatty aıqaılaǵanyn estidim. Men daýys qaıdan shyqqanyn kórý úshin terezege bardym. Basqa kórshilerim de terezeden qarap jatyr eken. Sosyn álgi daýys sap tyıyldy. Artynsha balanyń jylaǵan daýysy estildi. Boldy. Áldebir tars etken dybysty da estidik. Shamamen 10 sekýndtaı aıqaıǵalaǵan daýys ta tynshyp qaldy, – deıdi marqum áıeldiń kórshisi Áıgerim Myrzabekova.
Almatyda Mamyr shaǵynaýdanyndaǵy páterlerdiń birinen 34 jastaǵy áıel men onyń 2 jáne 7 jastaǵy balasynyń denesi tabylǵan. Oqıǵaǵa baılanysty qalalyq polısııa departamenti kisi óltirý deregi boıynsha sotqa deıingi tergeý amaldaryn bastady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir