Almaty prokýratýrasy 34 jastaǵy áıel men 2 balanyń ólimine qatysty málimdeme jasady

"Spýtnık" turǵyn úı keshenindegi páterlerdiń birinen tabylǵan 34 jastaǵy áıel men onyń 2015 jáne 2020 jylǵy balalarynyń denesinen zorlyq-zombylyq izi tabyldy. Bul týraly Almaty prokýratýrasy málim etti. 

Qazir qalalyq polısııa departamenti kisi óltirý deregi boıynsha sotqa deıingi tergeý amaldaryn bastaǵan.

"Tıisti saraptamalyq zertteýler taǵaıyndaldy, beınematerıaldar zerdelenip, kýágerlerden jaýap alynýda. Qylmystyq-prosessýaldyq kodekstiń 201-babyna sáıkes sotqa deıingi tergep-tekserýdiń ózge derekteri jarııalanbaıdy. Qylmystyq isti tergeýdi qala prokýratýrasy erekshe baqylaýǵa aldy" dep habarlady Almaty qalasy prokýratýrasynyń baspasóz qyzmeti.

Almatyda Mamyr shaǵynaýdanyndaǵy páterlerdiń birinen 34 jastaǵy áıel men onyń eki balasynyń denesi tabylǵan bolatyn.