Foto: Dw.com
Grýzııanyń Syrtqy ister mınıstrligi Reseıden "Bes kúndik soǵystyń" kelisimin oryndap, Abhazııa men Ońtústik Osetııadan áskerin alyp ketýdi talap etti, dep jazady nemistiń Deutsche Welle basylymy.
Grýzııa SIM oq atýdy toqtatý týraly kelisimnen beri 14 jyl ótkeninine qaramastan Reseı Grýzııanyń basyp alynǵan qos aımaǵyna zańsyz ústemdik etýin jalǵastyryp kele jatqanyn aıtady.
Mınıstrlik málimetinshe, ózin egemen el dep jarııalaǵan qos aımaqty Reseı qarýmen qamtamasyz etip, olardyń Grýzııadan tolyq bólinýine jumys istep otyr.
"Reseı aımaqtardyń bólinetin jerine tiken sym tartyp, adamdardy zańsyz urlap, adam quqyq aıaq asty etip, grýzın halqyn kemsitip otyr. Gýmanıtarlyq jaǵdaıdy buzyp, basyp alynǵan jerlerdegi adamdardy álemdik qaýymdastyq pen Grýzııadan oqshaýlandyrǵysy keledi" delingen habarlamada.
2008 jylǵy 8-12 tamyz aralyǵynda bolǵan Reseı men Grýzııa arasyndaǵy bes kúndik soǵys saldarynan Ońtústik Osetııa Grýzııadan bólinip, aımaqta halyqaralyq qaýymdastyq moıynmamaıtyn "respýblıka" paıda bolǵan. Olardyń egemendigin Reseı jáne onyń onyń birneshe serikter elderi ǵana moıyndaǵan. Áskerı qaqtyǵys saldarynan 850 adam qaza taýyp, 12 myń adam úıinen basqa jaqqa ketýge májbúr bolǵan.
Soǵys sol kezde Fransııa jetekshilik etip turǵan Eýroodaqtyń tikeleı aralasýymen toqtap, kelisimge qol qoıylǵan. Kelisimdegi negizgi sharttyń biri eki tarap qarýly kúshterin qaqtyǵys bastalǵanǵa deıingi pozısııaǵa qaıtarýy kerek edi. Alaıda Reseı atalǵan pýnktti oryndamaı, Abhazııa men Ońtústik Osetııaǵa yqpalyn saqtap keledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir