• USD 476.43

  • EUR 479.86

  • RUB 8.07

  • CNY 70

19 Tamyz, 20:58:52
Almaty
+19°

2022 jyldyń basynan beri 9 myńnan astam etnıkalyq qazaq qandas mártebesin aldy. Bul týraly eńbek jáne halyqty áleýmettik qorǵaý mınıstrligi habarlady.

2022 jylǵy 1 tamyzdaǵy jaǵdaı boıynsha 9 077 etnıkalyq qazaq tarıhı otanymen tabysyp, qandas mártebesin alǵan. Jalpy 1991 jyldan beri respýblıkaǵa 1 mıllıon 96,9 myń etnıkalyq qazaq oralǵan.

"Jyl basynan Qazaqstanǵa kelgen qandastardyń jartysynan kóbi (69,9%) О́zbekstannan, 10,3% – Qytaıdan, 7,1% – Túrikmenstannan, 4,0% – Mońǵolııadan jáne 8,7% basqa elderden kelgen. Kelgen etnıkalyq qazaqtar negizinen Almaty (30,8%), Mańǵystaý (17,9%), Túrkistan (9,7%) jáne Jambyl (6,5%) oblystaryna, sondaı-aq Almaty (5,7%), Nur-Sultan (7,2%) jáne Shymkent (8,0%) qalalaryna qonystandy" delingen mınıstrlik habarlamasynda.

Eńbekke qabiletti jastaǵy etnıkalyq qonys aýdarýshylar úlesi 60,5%-dy, eńbekke qabiletti jastan kishisi 26,2% jáne zeınetkerler 13,3%-dy quraıdy

Eńbekke qabiletti jastaǵy qandastardyń 11,8%-y joǵary bilimdi, 39,8%-y orta kásibı bilimdi, 46,7%-y jalpy orta bilimdi jáne 1,6%-ynyń bilimi joq.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir