• USD 465.38

  • EUR 483.58

  • RUB 7.69

  • CNY 64.95

26 Qarasha, 17:30:14
Almaty
-2°

Reseı Qaýipsizdik keńesi tóraǵasynyń orynbasary, eldiń eks-prezıdenti Dmıtrıı Medvedevtiń  "VKontakte" jelisindegi resmı paraqshasynda jazylyp, uzamaı óshirilgen Qazaqstanǵa qarata aıtylǵan basqynshy sózderine májilis depýtattary Erlan Saırov pen Elnur Beısenbaev jaýap berdi.

Qos depýtat ta oqıǵaǵa baılanysty Qazaqstan resmı jaýap berýi kerek degen pikirde.

"D. Medvedev Reseı memleketiniń resmı tulǵasy. Bolǵan jáıt boıynsha Qazaqstan Respýblıkasynyń syrtqy ister mınıstrligi Reseı tarapynan resmı túsinikteme suraýy qajet. Bul is eki el arasyndaǵy oń qarym-qatynastarǵa syzat túsiretin qadam. Qazaqstan taraby dostyq, ózara tıimdi qarym-qatynastan aınymaıdy. Resmı qarym-qatynasta ózara jaýapkershilik óte mańyzdy. Resmı túsinikteme jasaý qajet" deıdi Erlan Saırov facebook paraqshasynda.

Depýtat Elnur Beısenbaev ta osy oıdy qostap, Qazaqsatnnyń aýmaqtyq tutastyǵyna eshkim kóz lartýǵa haqy joq ekenin jetkizdi.

"Reseı memleketiniń bıligindegi D. Medvedevtiń áleýmettik jelidegi jazbasy boıynsha resmı túsindirme jaýap berilýi qajet. Bul iste elimizdiń Syrtqy ister mınıstrligi qyraǵylyq tanytýy asa mańyzdy, ári mindetti. Egemen elimiz úshin, qasyq qanym qalǵansha kúresemin! Eshkimniń táýelsiz Qazaqstannyń terrıtorııasyna kóz tigýge, al onyń tarıhyn óz paıdasyna tárjimalaýǵa quqy da, haqy da joq" deıdi depýtat.

Buǵan deıin Dmıtrıı Medvedevtiń "VKontakte" jelisindegi resmı akkaýntynda Qazaqstanǵa qarata basqynshy sózder aıtylǵan jazba jarııalanyp, uzamaı óshirilgen. Reseı burynǵy prezıdentiniń kómekshisi Medvedev mundaı jazba jarııalamaǵanyn, onyń paraqshasyn hakerlep buzǵanyn habarlaǵan. Alaıda qazaqstandyqtar buǵan senbeıtinin, óshirilgen jazba búgingi Reseı bıliginiń pıǵylyn dál kórsetetinin aıtady. 

"Qamshy" silteıdi
Ilmek sózder: Reseı agressııasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir