Foto: Sputnik.kz
Fransııalyq eureporter.co saıtynda "Fransııanyń bosqyndar jónindegi soty Muhtar Áblıazovtyń isin qaraýǵa daıyndalýda" degen taqyryptaǵy aqparat jarııalandy.
"Áblıazovtyń uzaqqa sozylǵan oqıǵasy Fransııanyń bosqyndar isi jónindegi ulttyq sotyna deıin jetti. Sot jaqyn arada olıgarhtyń bosqyn mártebesine qatysty sheshim shyǵarady", delingen aqparatta.
Al Paris Match basylymy bul sot sheshimi Qazaqstan men Fransııa arasyndaǵy qarym-qatynasqa áser etetinin jazǵan.
"Fransııa aldaǵy ýaqytta Áblıazovqa qoldaý kórsetip, saıası baspanasynan aıyrmaıtyn bolsa, Qazaqstanmen qarym-qatynasy nasharlaıdy. Sebebi Qazaqstan men Fransııa arasynda qorǵanys jáne ýran óndirisi salalarynda iri kelisimsharttar bar", dep jazady Paris Match.
Basylymnyń deregine súıensek, Muhtar Áblıazovqa qatysty másele 2009 jyly Qazaqstan prokýratýrasy Áblıazov jalǵan nesıeler jáne kóptegen front kompanııalar arqyly BTA Bankinen 7,5 mıllıard dollardy jylystatqan degen málimdemesinen keıin bastalǵan.
Áblıazovtyń ekstradısııasyn Qazaqstannan bólek Reseı men Ýkraına da surap otyr. Eki el de eks-bankırdi iri kólemde alaıaqtyq jasady dep aıyptaǵan. Qazaqstan men Ulybrıtanııada olıgarh ómirboıyna bas bostandyǵynan aıyrý jazasyna kesilgen.
Áblıazovtyń ózi Qazaqstan sotynyń sheshimin saıası astary bar dep sanaıdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir