• USD 476.43

  • EUR 479.86

  • RUB 8.07

  • CNY 70

19 Tamyz, 19:56:46
Almaty
+22°
Qazaqstan halqynyń sany 2030 jylǵa qaraı teris ssenarıı boıynsha 20,8 mıllıonǵa deıin, oń ssenarııge saı 21,5 mıllıonǵa deıin jetýi múmkin. 2050 jylǵa qaraı 23,5 mln-nan 27,7 mln-ǵa deıin bolýy múmkin. Bul týraly Eńbek resýrstaryn damytý ortalyǵy Boljamdaý departamentiniń demografııalyq boljamynda aıtylǵan.
 
 
– Bul rette, eger ólim men týý kórsetkishteri 2021 jylǵy deńgeıde, al syrtqy jáne óńiraralyq kóshi-qon 2017-2021 jyldardaǵy ortasha mánde saqtalsa, Qazaqstan halqynyń sany 2030 jylǵa qaraı 20 mln 958 myń adamǵa, al 2050 jylǵa qaraı – 27 mln 192 myń adamǵa jetedi, – dep atap ótti Boljamdaý departamentiniń dırektory Dmıtrıı Shýmekov.
 
 
Onyń málimetinshe, 2030 jylǵa qaraı  Nur-Sultan qalasynda halyq sany 420 myń adamǵa artyp, 1,7 mln adamǵa jetýi múmkin. Almaty qalasynda 414 myń adamǵa kóbeıip, 2 mln 466 myń adamǵa deıin, Shymkent qalasynda 369 myń adamǵa kóbeıip, 1,5 mln adamǵa deıin artady.
 
Túrkistan oblysynda halyq sany 207 myń adamǵa, Mańǵystaý oblysynda – 170 myń adamǵa, Almaty oblysynda – 145 myń adamǵa ulǵaıady. Shyǵys Qazaqstan, Qostanaı, Soltústik Qazaqstan, Qaraǵandy, Pavlodar jáne Aqmola oblystarynda halyq sany qysqarýy múmkin.

Sarapshylarynyń esepterine sáıkes, 2050 jylǵa qaraı, halyq sanynyń ósýi boıynsha kóshbasshy Shymkent qalasy bolady. 2050 jylǵa qaraı qalada 2,8 mln adam turady degen boljam bar. Nur-Sultan qalasynda halyq sany 2,9 mln adamǵa, Almatyda 3,5 mln adamǵa jetedi.

BUU sarapshylarynyń saraptamasyna sáıkes, osy jyldyń qarasha aıynda álemdik halyq sany 8 mlrd adamnan asatynyna qaramastan, sońǵy ýaqytta ósim birtindep baıaýlaýy baıqalady. Máselen, 2019 jyly álemdiń halyq ósimi 76 mln adamdy qurasa, 2021 jyly 68 mln adam boldy.

 

– Álemde halyq sany 9 mıllıardtyq mejege 2037 jylǵa, al 10 mıllıardtyq mejege 2058 jylǵa qaraı jetedi dep kútilýde. Biraq bul rette 2019 jylǵy boljamda 2022 jylǵa kútiletin kórsetkish 7 mlrd 954 mln adamdy quraǵan, ıaǵnı pandemııa halyqtyń jıyntyq ósýine paradoksaldy túrde oń áserin tıgizdi, – dep túıindedi sarapshy.

 

BUU málimetteri boıynsha, kelesi jyly Qytaı halyq sany boıynsha Úndistanǵa jol beredi, al 2030 jylǵa qaraı úndiler sany qytaılardan 100 mıllıon adamǵa asyp túsedi. 2050 jylǵa qaraı Úndistan halqynyń sany 1,7 mlrd adamǵa jetse, Qytaılyqtar sany 1,3 mlrd adamǵa deıin qysqarady. 2050 jylǵa qaraı álemdegi halyq sany boıynsha úshinshi el Nıgerııa bolady (2050 jyly 377 mıllıon adam), AQSh tórtinshi orynǵa túsedi (2050 jyly 375 mıllıon adam), halyq sany boıynsha besinshi el Pákistan bolady (368 mıllıon adam), al altynshy – Indonezııa (317 mıllıon adam).

Halyq sany 2050 jylǵa qaraı edáýir qysqaratyn elder arasynda Qytaıdy (2022 jylmen salystyrǵanda 113 mln adamǵa nemese 7,9%-ǵa), Japonııany (20 mln adamǵa nemese 16,3%-ǵa), Reseıdi (11,6 mln adamǵa nemese 8%-ǵa), Italııany (6,8 mln adamǵa nemese 11,5%), Ýkraınany (6,8 mıllıon adam nemese 17,2%), Ońtústik Koreıany (6 mıllıon adamǵa nemese 11,7%), Polshany (4,9 mıllıon adamǵa nemese 12,4%) jáne Germanııany (4,4 mıllıon adamǵa nemese 5,3%) bólip kórsetýge bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir