• USD 468.56

  • EUR 497.56

  • RUB 7.3

  • CNY 67.18

28 Naýryz, 15:53:45
Almaty
+35°

«AMANAT»-tyń atqarýshy hatshysy Ashat Oralov beınekonferensııa baılanysy arqyly partııanyń óńirlik fılıaldarymen azyq-túlik pen halyq tutynatyn taýarlar baǵasynyń qymbattaý máselesine qatysty keńes ótkizdi, dep habarlady 

Osy aptadan bastap elimizdiń barlyq oblys jáne aýdandarynda 216 partııalyq monıtorıng jáne qadaǵalaý toby jumysqa kiristi. Olar saýda nysandaryn tekseredi jáne áleýmettik mańyzy bar ónimderdiń baǵasyna monıtorıng júrgizedi. Bul týraly «AMANAT» partııasynyń Atqarýshy hatshysy Ashat Oralov málimdedi.

Atap aıtqanda, ol eldegi ınflıasııanyń jedel ósýine syrtqy faktorlardan basqa, saýda júıesindegi deldaldar men alypsatarlardyń aıtarlyqtaı kóbeıýi yqpal etkenine nazar aýdardy.

Foto: Álı Ǵalym

 

«14 shildede memleket basshysy Qasym-Jomart Toqaev Úkimettiń keńeıtilgen otyrysynda taýarlar baǵasyn turaqtandyrý jáne azamattardyń tabysyn arttyrý boıynsha naqty mindetterdi belgiledi. Degenmen, memlekettik organdar qabyldaǵan is-sharalar baǵanyń ósýin tejeýge tolyq kólemde yqpal etpeıdi. Baǵany jón-josyqsyz kóteretin satýshylar tekserý ýaqytyn aldyn ala bilip otyrady jáne olar  memlekettik organdar tekserýshileriniń túrin tanıdy», dedi atqarýshy hatshy.

 

Ulttyq statıstıka bıýrosynyń derekterine súıensek, maýsym aıynda jyldyq ınflıasııa 14,5%-dy qurady. Bir jyl ishinde eń kóp qymbattaǵan – azyq-túlik taýarlary (17,9%). Azyq-túlik emes taýarlardyń baǵasy 11,1%-ǵa, aqyly qyzmetterdiń baǵasy 8,9%-ǵa ósti.

«Qoǵamdyq saıasat ınstıtýtynyń áleýmettik zertteýine sáıkes, qazaqstandyqtardyń 80%-dan astamy baǵanyń ósýine alańdaıdy. Bul másele ásirese, áleýmettik osal toptar úshin óte ózekti. Biz osy jaǵdaıdy partııanyń barlyq óńirdegi qoǵamdyq qabyldaý bólmelerine kelip túsken ótinishterdiń artýynan baıqap otyrmyz. Máselen, jyl basynan beri áleýmettik qamsyzdandyrý máselelerimen júgingenderdiń úlesi 30%-ǵa ósti. Osyǵan baılanysty biz jergilikti jerdegi naqty jaǵdaıdy anyqtaý úshin azyq-túlik pen taýarlar baǵasyna monıtorıng júrgizetin 216 arnaıy top qurdyq. Qazirdiń ózinde dúken sórelerindegi baǵalar men memlekettik organdardyń esepteri bir-birine sáıkes kelmeıdi deýge bolady», dep atap ótti Ashat Oralov.

Atqarýshy hatshy monıtorıng tobyna tek partııalyqtar ǵana emes, sondaı-aq qoǵam belsendileri, úkimettik emes uıymdardyń ókilderi, bıznesmender, jýrnalıster men táýelsiz sarapshylar da kiretinin aıtty. Jumys nátıjeleri Parlament Májilisinde jáne Úkimette qaralady.

Foto: Álı Ǵalym

Aımaqtardaǵy qazirgi jaǵdaı týraly Májilis depýtaty, partııa janyndaǵy Agroónerkásiptik komıtet tóraǵasy Qaınar Abasov jáne Májilis depýtaty, partııa janyndaǵy Ekonomıka, kásipkerlik jáne agrarlyq sektor máseleleri jónindegi respýblıkalyq keńestiń múshesi Ǵalym Ámireev, Shyǵys Qazaqstan oblysyndaǵy jaǵdaı týraly monıtorıng tobynyń múshesi, О́skemen qalalyq máslıhatynyń depýtaty Zoıa Novolodskaıa aıtyp berdi.

«Kesheden beri óńirde 84 saýda nysanyna monıtorıng júrgizildi.  Júrgizilgen taldaý nátıjesinde ákelinetin kókónisterdiń (kartop, sábiz, pııaz, qyryqqabat) baǵasyn 19%-ǵa kóterý faktisi anyqtaldy. Monıtorıng kezinde kásipkerler satyp alý baǵasyn kórsetetin qujattaryn usyna almady. Túsindirý jumystary júrgizilip, atalǵan nysandar partııalyq baqylaýǵa alyndy», - dedi ol.

Sondaı-aq, jıyn barysynda Nur-sultan qalasy boıynsha ekonomıka jáne kásipkerlik máseleleri jónindegi Qoǵamdyq keńestiń tóraǵasy Bolat Omarov sóz aldy.

«Elordada kartop – 10872 tonna (65%), sábiz – 2938 tonna (76%), qyryqqabat – 1900 tonna (49%), pııaz – 2695 tonna (107%) sııaqty áleýmettik mańyzy bar azyq-túlik taýarlarynyń bes aı tutynýǵa bolatyn 30% qory jasaldy. Birinshi surypty unnan jasalǵan nan baǵasyn turaqtandyrý úshin memorandým aıasynda elordanyń óńdeý kásiporyndaryna astyq jiberilýde», – dedi ol.

«AMANAT»-tyń Túrkistan oblystyq fılıalynyń atqarýshy hatshysy Beısenbaı Tájibaevtyń aıtýynsha, óńirde 18 partııalyq monıtorıng toby qurylǵan.

«28 shildede atalǵan toptar oblystyń 88 bazary men iri saýda nysandaryn aralady. Baǵanyń ósýin tejeý úshin oblysta turaqty túrde aýyl sharýashylyǵy jármeńkeleri uıymdastyrylady, baǵanyń negizsiz ósýine jol bermeý boıynsha iri saýda uıymdarymen memorandýmdar jasalady. Biz qazirdiń ózinde 1467 úı mańyndaǵy dúkenderdiń 1463-in (99,7%) tekserdik, baǵany negizsiz kóterýdiń 38 faktisi anyqtaldy. Tıisti sharalar qabyldaý arqyly baǵalar 10-15%-ǵa tómendedi», - dep atap ótti ol.

Foto: Álı Ǵalym

«AMANAT» partııasynda monıtorıng júrgizetin toptar kún saıyn jumys isteıtini aıtyldy. Aımaqtardaǵy áleýmettik mańyzy bar azyq-túlik baǵasynyń ózgergenine qatysty málimettiń mán-jaıy Partııalyq baqylaý komıssııasynyń otyrysynda qaralady. О́zgeris anyqtalǵan jaǵdaıda máseleni sheshý úshin usynymdar ázirlenip, naqty merzimi men jaýapty tulǵalar belgilenedi.

 «AMANAT» partııasynyń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir