29 Shilde, 2022 NEWS
Foto: tengrinews.kz
UQK tóraǵasynyń burynǵy orynbasary Samat Ábishten Kárim Másimovtiń isine baılanysty jaýap alyndy. Bul týraly UQK tengrinews.kz basylymyna bergen jaýabynda habarlaǵan.
Samat Ábish qamaýǵa alynǵan burynǵy basqarma basshylarynyń ústinen qozǵalǵan qylmystyq is boıynsha kýáger ekenin habarlandy.
"175-babynyń 1-bóligi, 179-babynyń 3-bóligi 3-tarmaǵyna sáıkes K.K.Másimovke, A.T.Sadyqulovqa, D.E.Erǵojınge, M.S.Osıpovqa jáne basqalarǵa qatysty qozǵalǵan qylmystyq is boıynsha S.S.Ábishten kýáger retinde jaýap alyndy. Samat Ábishke qatysty qylmystyq is qozǵalǵan joq", delingen UQK habarlamasynda.
Samat Ábish qyzmetinen ketkeni týraly beıresmı aqparat alǵash 5 qańtarda shyqqan. Sonymen qatar Samat Ábish qamaýǵa alynǵany týraly da áńgimeler taraǵan. Alaıda UQK aqparatty teristegen. Samat Ábish UQK-degi qyzmetinen ketkeni týraly resmı aqparat 17 qańtarda shyqqan.
Samat Ábish eks-prezıdent Nursultan Nazarbaevtyń nemere inisi. Onyń týǵan aǵasy, kezinde UQK istegen Qaırat Satybaldy qazir tergelip jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir