• USD 476.43

  • EUR 479.86

  • RUB 8.07

  • CNY 70

19 Tamyz, 20:23:48
Almaty
+19°
KazTAG aqparat agenttiginiń bas dırektory, jýrnalıst Áset Mataev ákesi Seıtqazy Mataev ekeýiniń tolyq aqtalǵany jónindegi Joǵarǵy sot qaýlysyn alǵanyn málim etti.
 
Áset Mataev 19 shilde kúngi sottan oń sheshim kútpegenin, buǵan deıingi sot otyrysyndaǵy ózderine qarsy sheshimder olardyń úmitin sóndirgenin aıtady. Ol ádilettiń saltanat qurý jolynda qarap qalmaǵan qorǵaýshylary men jaqtastaryna alǵys bildirdi.
 
 
"Bizdiń qorǵaýshylarymyz Álimjan Oralbaı men Djohar Ýtebekovke alǵysymyz sheksiz. Olar bizdiń is boıynsha 2019 jyldan beri bas prokýratýranyń jáne Joǵary sottyń qarsylyǵyna deıin jumys jasady. 2016 jyldyń qańtarynan 2017 jylǵa deıin bizben birge bolǵan, qarjy polısııasyna, prokýratýraǵa jáne sottarǵa qarsy barlyq kúresten ótken Andreı Petrov pen Madına Bakıevaǵa alǵys bildiremiz. Meni bosatý úshin sottardyń tabaldyryǵyn tozdyrǵan qorǵaýshym Sáýle Jubanııazovaǵa alǵys bildiremin. Barlyq jýrnalısterge, elimizdiń alańdaýshylyq tanytqan barlyq azamatyna, týystarǵa, dostarǵa, barlyǵyna bizdiń alǵysymyz zor. Halyqaralyq uıymdar men jýrnalıstik uıymdaryna da. Isti obektıvti qaraǵan bas prokýratýraǵa, istiń núktesin qoıǵan Joǵary sot sýdıalaryna da alǵys aıtamyz. Árıne, 6 jyl ótti, bul az ýaqyt emes. Desek te ádildik jeńdi!" degen ol 2019 jyldan beri aqtap alý boıynsha eki ret qadam jasalǵanyn, úshinshisinde ádildikke qol jetkizgenin atap ótti.
 
 
Áset mataev qańtar oqıǵasynan keıin el ózgerdi dep sanaıtynyn, memlekettiń, prokýratýranyń, quqyqqorǵaý organdarynyń jáne sottardyń qalaýy men jumysyna kóp nárse táýeldi ekenin aıtady.
 
"Elimizde laıyqty adamdardyń baryn birneshe ret aıtqanmyn. Qazaqstanda oń ózgeriske degen saıası erik bar dep oılaımyn, odan basqa jol joq. Biz Qazaqstandaǵy ádildikke óz úlesimizdi qosyp kelemiz jáne qosa beretin bolamyz. Barlyǵyńyzǵa zor densaýlyq, jarqyn kóńil-kúı tileımin! О́z-ózderińizdi damyta berińizder! Barlyqtaryńyzǵa qóp raqmet!" deıdi ol.

Joǵary sot 19 shilde kúni Astana qalasy sotynyń 2016 jylǵy 9 jeltoqsandaǵy Seıtqazy jáne Áset Mataevtarǵa qatysty úkiminiń kúshin joıǵan.

Mataevtar 2016 jyly sottalǵan. Qylmystyq is KazTAG aqparat agenttigin tartyp alý maqsatymen uıymdastyrylǵan. Olardyń isin qazaqstandyq jáne sheteldik quqyqqorǵaýshylar saıası astary bar dep tanyǵan. Aıyptaýdyń bir tarmaǵy da dáleldenbegenine qaramastan, sot aıyptaý úkimin shyǵarǵan. Mataevtardy tapsyryspen qýdalaýǵa qatysýshylardyń birde-biri áli kúnge deıin jazaǵa tartylmady. Aqtalǵannan keıin bul otbasyǵa tıesili tárkilengen dúnıe-múlikter túgel qaıtarylady.

"Qamshy" silteıdi
Ilmek sózder: Mataevtar isi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir