• USD 476.43

  • EUR 479.86

  • RUB 8.07

  • CNY 70

19 Tamyz, 20:23:01
Almaty
+19°
 
 

Bas prokýratýra birqatar oblystardyń prokýrorlary taǵaıyndalǵanyn habarlady.

Jańadan qurylǵan Ulytaý oblysynyń prokýrory bolyp 3-synypty memlekettik ádilet keńesshisi Jarqynbek Kendirbekuly Baqashbaev taǵaıyndaldy.

Baqashbaev J.K. eńbek jolyn 1985 jyly Selınograd qalasyndaǵy Lenın aýdandyq prokýratýrasynda taǵylymger bolyp bastaǵan.

Arys qalasynyń aýdanaralyq prokýrory, Ońtústik Qazaqstan oblysynyń Shymkent jáne Túrkistan qalalarynyń prokýrory, Qyzylorda, Aqmola oblystary, Almaty qalasy prokýrorynyń orynbasary, Bas prokýratýranyń Arnaıy prokýrorlar departamenti jáne Qylmystyq qýdalaý qyzmeti bastyǵynyń orynbasary bolǵan.

2019 jyldan bastap Bas prokýratýranyń 2-Qyzmet bastyǵy laýazymyn atqardy.

Prokýratýra organdaryndaǵy tájirıbesi 35 jyldan asady.

Abaı oblysynyń prokýratýrasyn 3-synypty memlekettik ádilet keńesshisi Abaev Erlan Masǵutuly basqarady.

Erlan Abaev prokýratýra organdarynda 1992 jyldan beri qyzmet etip keledi.

Pavlodar oblysy prokýratýrasynyń asa mańyzdy ister jónindegi tergeýshisi, osy oblystyń Ertis, Ýspen aýdandarynyń jáne Pavlodar qalasynyń prokýrory, Astana qalasynyń QSjAEK basqarmasynyń bastyǵy bolyp jumys istegen.

2016-2018 jyldary Bas prokýratýranyń departament bastyǵynyń orynbasary, departament bastyǵy laýazymdaryn atqarǵan.

2018 jyldyń shildesinen bastap Mańǵystaý oblysynyń prokýrory boldy.

Prokýratýra organdaryndaǵy eńbek ótili – 30 jyl.

Aǵa ádilet keńesshisi Basshybaev Madııar Bekenuly Jetisý oblysynyń prokýrory bolyp taǵaıyndaldy.

Basshybaev M.B. eńbek jolyn 2000 jyly Aqtóbe oblysynyń prokýratýrasynda basqarma prokýrory laýazymynda bastaǵan.

Ár jyldary Aqtóbe oblysy men Almaty qalasynyń prokýratýralarynda qurylymdyq bólimshelerdi basqardy. Medeý, Almaly aýdandarynyń prokýrory, Almaty qalasy prokýratýrasynyń Apparat basshysy, Bas prokýratýranyń Strategııalyq damý departamenti bastyǵynyń orynbasary boldy.

Búgingi tańǵa deıin Batys Qazaqstan oblysy prokýrorynyń orynbasary retinde qyzmet atqardy.

Prokýratýra organdaryndaǵy eńbek ótili – 20 jyl.

Batys Qazaqstan oblysynyń prokýrory bolyp 3-synypty memlekettik ádilet keńesshisi Shalabaev Serik Rysqalıuly taǵaıyndaldy.

Serik Shalabaev prokýratýra organdarynda 1992 jyldan bastap jumys isteıdi. Qyzmet jolyn Aqtaý qalasy prokýratýrasynda taǵylymger retinde bastaǵan.

Tergeý jumysynda jáne MTK-de mol tájirıbesi bar. О́ńirlik deńgeıde jáne ortalyq apparatta da birqatar basshylyq laýazymdardy atqarǵan.

Bas áskerı prokýrordyń orynbasary, Batys Qazaqstan oblysy prokýrorynyń orynbasary, birinshi orynbasary, Almaty oblysy prokýrorynyń orynbasary, Bas Prokýrordyń apparatyndaǵy Basqarma basshysy, Bas prokýratýranyń Departament basshysynyń orynbasary, Quqyq qorǵaý organdary akademııasynyń prorektory boldy.

Osy qyzmetke taǵaıyndalǵanǵa deıin Bas prokýratýranyń Qylmystyq qýdalaý qyzmetin basqardy.

Quqyq qorǵaý organdaryndaǵy 30 jyldan astam eńbek ótili bar.

Aqtóbe oblysynyń prokýratýrasyn endi 3-synypty memlekettik ádilet keńesshisi Halıdýlla Zınollauly Dáýeshov basqarady.

Halıdýlla Dáýeshov prokýratýra organdaryndaǵy qyzmetin 1991 jyly Gýrev oblysy Gýrev qalasy prokýratýrasynda taǵylymger bolyp bastaǵan.

Ár jyldary Atyraý oblysynyń prokýratýrasy men Ortalyq apparatynda jumys istegen.

2002-2019 jyldary Batys Qazaqstan oblysy Oral qalasynyń, Atyraý oblysynyń Jylyoı jáne Maqat aýdandarynyń prokýrory, Atyraý qalasynyń prokýrory, Jambyl jáne Batys Qazaqstan oblystary prokýrorynyń orynbasary, Qyzylorda oblysynyń prokýrory qyzmetterin atqarǵan.

Osy taǵaıyndaýǵa deıin Atyraý oblysynyń prokýratýrasyn basqardy.

Prokýratýra organdaryndaǵy eńbek ótili – 31 jyl.

3-synypty memlekettik ádilet keńesshisi Súleımenov Tımýr Qaıyrbekuly Bas kólik prokýrory bolyp taǵaıyndaldy.

Tımýr Súleımenov qyzmetin 1997 jyly Almaty qalasynyń Almaly aýdany prokýrorynyń quqyqtyq statıstıka jónindegi kómekshisi retinde bastaǵan.

Almaty qalasynyń prokýratýra organdarynda ártúrli laýazymda qyzmet atqarǵan. Onyń ishinde Áýezov aýdany prokýrorynyń orynbasary, Túrksib aýdany prokýrorynyń orynbasary, Almaty qalasy jáne elorda prokýrorynyń orynbasary, birinshi orynbasary boldy.

Qostanaı oblysynyń prokýratýrasyn jáne quqyq qorǵaý organdary akademııasyn basqardy.

Prokýratýra organdarynda 24 jyldan astam eńbek ótili bar.

 

Mańǵystaý oblysynyń prokýrory laýazymyna aǵa ádilet keńesshisi Rýfat Baýyrjanuly Quttyqov taǵaıyndaldy.

Rýfat Quttuqov eńbek jolyn 2000 jyly Aqtóbe oblysy Áıteke bı aýdany prokýrorynyń kómekshisi bolyp bastaǵan.

Ár jyldary Aqtóbe oblysynyń mamandandyrylǵan tabıǵat qorǵaý prokýratýrasyn, Jambyl oblysy Jambyl aýdanynyń prokýratýrasyn jáne Atyraý qalasynyń prokýratýrasyn basqardy.

2018-2020 jyldary Qaraǵandy oblysy prokýrorynyń birinshi orynbasary boldy.

2020 jyldan bastap Qazaqstan Respýblıkasy Bas prokýratýrasynyń ótinishtermen jumys jáne is júrgizý departamentin basqardy.

Prokýratýra organdaryndaǵy qyzmet ótili – 22 jyldan astam.

Jumaqanov Baýyrjan Albertuly Atyraý oblysynyń prokýrory bolyp taǵaıyndaldy.

Jumaqanov B.A. eńbek jolyn 2001 jyly Aqtóbe oblysyndaǵy quqyqtyq statıstıka organdarynda bastaǵan.

Ár jyldary Almaty qalasy Bostandyq aýdany prokýrorynyń orynbasary, prokýrory, Bas prokýratýranyń Arnaıy prokýrorlar qyzmetiniń Asa mańyzdy qylmystyq isterdi tergeý basqarmasyndaǵy Bas Prokýrordyń kómekshisi laýazymdaryn atqarǵan.

Osy taǵaıyndaýǵa deıin Atyraý oblysy prokýrorynyń orynbasary boldy.

Synyptyq sheni – aǵa ádilet keńesshisi.

Prokýratýra organdarynda 20 jyldan astam ýaqyttan beri qyzmet etip keledi. 

Bas prokýratýranyń baspasóz qyzmeti

"Qamshy" silteıdi
Ilmek sózder: kadrlyq taǵaıyndaý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir