• USD 468.56

  • EUR 497.56

  • RUB 7.3

  • CNY 67.18

29 Naýryz, 12:09:12
Almaty
+35°

Bolat Nazarbaevtyń qyzy Gúlmıra Ábisheva ákesi syrqaty bastalǵan 2015  jyldan beri bıznespen aınalysýdy doǵaryp, isterin senimdi adamdaryna tapsyrǵanyn aıtady. Bul týraly ol Ekspress-K basylymyna bergen suhbatynda jetkizdi.

Gúlmıra Ábisheva baspasózde reıderlik basyp alý áreketterimen ákesiniń esimi qatar atalyp júrgenin estip otyrǵanyn, biraq ákesi týraly aıtylyp jatqannyń bári ótirik, arandatý ekenin atap ótti.

Onyń sózinshe, buryn Bolat Nazarbaevtyń úıi qonaqtan bosamasa, aýyrǵan soń ári qańtar oqıǵasynan keıin bári Shamalǵanǵa (Bolat Nazarbaevtyń aýyly – red) barar joldy umytqan.

– Bir dastarhan basynda as ishken, baýyr, qaryndastaı bolyp ketken dostarymyzdan búginde eshkim qalmady dese de bolady. Tek jaqyndary, otbasymyz, bala-shaǵa, nemereler ǵana qaldy. Buryn bizge topyrlap keletin edi. Qazir tek ákemniń qasynda áskerde birge bolǵan dostary men synyptastary ǵana qaldy, qalǵany taptyrmaı ketti, –  deıdi ol.

Gúlmıra Ábisheva "jurttyń aıtyp jatqanyna múlde mán bermeıtin boldym, aqıqat bir Allaǵa ǵana aıan. Biz BAQ-ta jazyp jatqanda eshqaıda da qashyp ketpedik, bárimiz osyndamyz. Tek ákemizdiń emi úshin (shetelge – red.) baryp qaıttyq, onyń ómiri úshin kúrestik" dep otyr.

"Qamshy" silteıdi
Ilmek sózder: Bolat Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir